AYUB 31:11 - KITAB NU TUMPU ALLA LELE MA'IMAI'

¹¹ De dosa' anu mahumimi' aijo' binaungkumo aku pantasmo na montalima hukuman.

AYUB 31:11 ပူးပေါင်းရင်းမြစ်များ

KAJADIAN 20:9

Lapas aijo' i Abimelekh nolagamo i Abraham ka' nompokilawa, “Te apaa na anu binaumo nu belento hi kami? Apaa na kasala'anku hi beleyum, sahingga beleyum nomboamo mae balaa'aiya hi butongku ka' hi kalaja'anku? Madi' hondo pantas na beleyum mombau sumo aijo' hi belengku.

KAJADIAN 26:10

“Apaa na anu binaumo nu beleyum hi kami?” na koonyo i Abimelekh. “Sala'samian na layatku timbali ahi' hoyot tiba bengkele' nu beleyum, ka' de han aijo' timbali beleyum na montanggungi kasala'an mami aijo'.”

KAJADIAN 38:24

Kila-kila tinotolu'mo na bitu'on lapas aijo', i Yehuda nohumpakmo lele saba' i Tamar moniannyo tinimbalimo lonte ka' i pinoboamo. Lantas i Yehuda nompalentahkonmo, “Ala na ia ka' papui sampe mate!”

KAJADIAN 39:9

I aiya kuasangku pokakanamo tiba kodaka'nyo nu kuasanyo. Madi' ko sa'angu' pe'e na madi' pinotoongnyo hi belengku, panyo belento bengkele' nu tomundo na madi' ahi'. Te toho' mule' aku mombau palabuatan anu ma'idek aijo', ka' moko baladosa' hi Tumpu Allah?”

AYUB 31:28

Dosa' anu susumo aijo' konanyomo na mohumpak hukuman opatei, kalana madi'mo montapali Tumpu Allah Anu Daka' na kuasanyo.

NOSABATMO 20:14

Boli masala'.

YEHEZKIEL 16:38

Beleyum Ku hukumo kalana saja'mo nasala' ka' saja'mo nompatei bibinaumo nu beleyum. Kalana pusang-Ku ka' mule' tambuha'-Ku beleyum Ku hukumo mate.

IMAMAT 20:10

De samian na aha Israel masala' tiba bengkele' nu mian anu bubuu' bansa nu aha, ia ka' boune aijo' tionyo ahi' o hukum mate.