AYUB 31:10 - KITAB NU TUMPU ALLA LELE MA'IMAI'

¹⁰ saba' bakasmo da bengkele'ku mongunjangakon anu nu kaan nu mian sangga'at; bakasmo da aita' i koi nu mo'anemo sangga'at, na mongkamale'imo ia.

AYUB 31:10 ပူးပေါင်းရင်းမြစ်များ

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

2 SAMUEL 12:12

Pinohuwini nu beleyum na nombau dosa', panyo Ku potoamo na ka'idekan nu kinyonyoang-Ku da nu toa nu mian Israel iwi-iwi'.’ ”

AYUB 31:22

bakasmo da mopato'mo na botokonku ohu-ohua' sahingga tongga'atmo aiya i bikoangku.

NOSABATMO 11:5

Batu-batu anak tumpe mo'ane i Mesir tionyo mate, lengkat pe'e hi anak nu tomundo Mesir toka-toka hi anak nu posaihon boune anu monggiling gandum. Anak nu to potu-potuu'on anu momona inganakakon, iwi-iwi' tionyo mate suele.

YESAYA 47:2

Gilingmo na labu nu batu; buka'mo na kokudung nu beleyum, hangkat na baju' nu beleyum da kantoan na bitis nu beleyum, ka' taapmo na kaunyo iwi-iwi.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

MATIUS 24:41

Ua'aha na boune hau-haunyo monggiling gandum: Samian o boa, ka' samian mule' o pala'i.

PO'ULE' INGULIT 28:30

De belemiu madi'mo montuluti Tumpu Allah nu belemiu, apaa na anu sinanggomo aiya mongkonamo butong nu belemiu: Belemiu modohoi, panyo mian sangga'at na mongosoai dohoi miu. Belemiu mompotinjomo laigan, panyo madi' ojojoongi miu. Belemiu monsu'animo ale' nu anggur, panyo madi' okaan na bua'nyo.