AYUB 30:26 - KITAB NU TUMPU ALLA LELE MA'IMAI'

²⁶ Aku mongima-imani ka'ima'an nu kantumuu'an ka' jingka, panyo kasusa'an ka' pikat na tinokamo mae.

AYUB 30:26 ပူးပေါင်းရင်းမြစ်များ

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

AYUB 18:6

Jingka i uno nu kemahnyo pintungmo; sulu' anu monjingkai madi'mo daagi' ko majingka.

AYUB 19:8

Tumpu Allah nongompomo jalanku, aku madi'mo moko ala motulu, kajalananku pinopikat-Nyomo.

AYUB 29:18

Anu ku indi' da mantan na umun, ka' silaka sanang i posi laiganku.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YESAYA 59:9

Bansa aijo' notataemo hi Tumpu, “Uuka aiya sinubu'mo mami kadaka' Belento madi' nomposalamat mae kami da madi'mo nu sakisa nu to mia-mian anu nongkabisa'imo mae kami. Kami montanda'imo jingka, panyo anu daagi' ola kapintungan.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

YEREMIA 8:15

Ola palasuma na kita montaha'imani paladamean ka' da ma'alin na opakuli'i kalana aiya anu daagi' olanyomo ahi' kasinggian.

MOHAANGI 3:2

Nompaka pajo'onmo na aku i hela'-Nyo namba i tampat anu pikat hondomi'.

MIKHA 1:12

Balaa' anu lengkat mae hi Tumpu tinokamo i ahop nu sabatan daka' nu Yerusalem! Kalana aijo' madi'bisa na mian nu aha Marot taha'iman au'aitu ko anu mae montulungi.