AYUB 30:23 - KITAB NU TUMPU ALLA LELE MA'IMAI'

²³ Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

AYUB 30:23 ပူးပေါင်းရင်းမြစ်များ

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

2 SAMUEL 14:14

Kita suele iwi-iwi' silaka; kita aiya sumomo uee anu nobubusmo i tano' madi'mo opoko ala po'ule' opolimu'. Tumpu Allah madi'mo po'ule' mompotumuu' mian anu sinilakamo; kalana aijo' tionyo ahi' o'usahakaon nu belento Tuanku da mian anu binoamo i tano' majo'on po'ule' mae minsusule'.

AYUB 10:8

Aku aiya limamo nu Belento atina' na nontali'i mosia ka' uuka aiya kahanda'mo nupatei nu Belento na aku?

AYUB 14:5

Konjoo'nyo nu umun nu manusia tinantukanmo nu Belento; konjoo'nyo nu bitu'onnyo pinatikolomo nu Belento. Ka' mule' kinoyomo nu Belento toka iya na kantumuu'annyo; ia madi' timbali moliu-liu.

AYUB 21:33

Momada-madala na mian anu i lumajang nontuntuni ia i lembanmo aijo'; ka' mule' tano' nomalasanmo na nontabuhi ia.

AYUB 3:19

Kiijo' mae iwi-iwi' na mian pokakana: mian anu talasanggo tiba mian anu madi' talasanggo. Ka' to posa-posaihon opobebasmo.

ANU MOMPOLELE POTATAE NU TUMPU 8:8

Madi' ko samian pe'e na moko ala montewa' kabai montunda kasilakannyo; aijo' sa'angu' na han anu madi' opoko ala opimpalii; ia madi' moko ala luput i han aijo'; maumo kapandean apaa na obau.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

YOSUA 23:14

Uuka aiya tempo'nyomo na aku silakamo. Belemiu iwi-iwi' toto samian nonsumbu'mo hondo Tumpu Allah nu belemiu anu nombee'mo hi belemiu iwi-iwi' na anu ma'ima' apaa na anu jinanji'-Nyomo. Batu-batu anu toho'mo jinanji'-Nyo binau-Nyomo madi' ko anu madi' binau-Nyo.