AYUB 30:22 - KITAB NU TUMPU ALLA LELE MA'IMAI'

²² Belento nompojohokmo mae aku da nutilahabakonmo nu mombun, i uno nu antong anu makansang hondo Belento nombali-balikakonmo aku.

AYUB 30:22 ပူးပေါင်းရင်းမြစ်များ

AYUB 21:18

Te toho' aha susumo hat ka' abu' anu nutilahabakonmo nu antong ka' mombun anu motulu?

AYUB 27:21

Mombun nu kabete'an nohangkatmo ia, kia' nompuhakonmo ia lengkat aijo' i laigannyo.

AYUB 9:17

Pinohintutunyomo na aku i uno nu antong anu makansang hondo, ka' nompaka tuangi kasansala'anku maumo madi' ko sababnyo.

MAZMUR 1:4

Panyo mule' miana nu ma'idek na kinyonyoanyo: ia sumomo ota' motimpuhamo nu puhi nu mombun.

MAZMUR 102:10

Aku mongkaan abu' sumomo roti, anu ku inum mogalo-galo'mo lolu',

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 18:10

Langit biniha'-Nyomo lantas nintatau'mo mae na Ia kundom anu pinikatmo na akaong i aluk nu tengke-Nyo. Nontau'akon Ia.

YESAYA 17:13

Aha nolambanimo mae sumomo ahi' iaba' anu okabuhuk. Panyo Tumpu nompahatakutmo aha, lantas aha nopalaimo sampe najo'onmo. Aha iloloi'mo sumomo ahi' ota' i, ampinyo nu bungkutnyo anu ilahabakonmo nu tombusisi'.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

HOSEA 13:3

Kalana aijo' mian haha aijo' ihopu'anmo susumo sehu' kabai susumo dondu'ok daagi subu-subu. Aha saidi' mae sumomo abu' nu tangke nu gandum anu nu puuhimo nu mombun aijo' itampat pongututan gandum ka' mule' sumomo tibuk anu mosabat mae ipipa nu tibuk.

HOSEA 4:19

Kalana aijo' aha mingkotmo susumo anu nu puhakonmo nu mombun. Aha nohumpak alu kalana iwi-iwi' na koloban nu aha anu sinombahkonmo hi to pilo-pilogot.