AYUB 30:15 - KITAB NU TUMPU ALLA LELE MA'IMAI'

¹⁵ Anu talalo ahi' okabuhuk na nontuda'i mae butongku; sumomo ahi' mombun na nompuhakon angga'nyo nu butongku tinilahabakonnyomo; susumo kundom notulu, i madi'anmo kino kasananganku.

AYUB 30:15 ပူးပေါင်းရင်းမြစ်များ

AYUB 10:16

De ku humpak na anu ku usahakon maumo madi' sangkuka na konjoo'nyo, Belento sumomo ahi' singa na mololoi' mae aku. Ka' po'ule' mule' nu potoa mae na kakuasa'an nu belento, ola da mompopobuhuk aku.

AYUB 3:25

Iwi-iwi' na anu ku bata-batai mongkonamo mae aku, iwi-iwi' na anu ku kabuhuk nontokaimo mae aku.

AYUB 30:14

Sumomo ahi' iyaba' na aha tinoka mae nombuntuli mesen anu bau kahosonanku; nosangaja'mo mae hingga-hinggat na aha tinoka mae nongutuni butongku.

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

AYUB 7:14

Panyo ginala-galamo nu Belento nu ipion na aku; belento nompo'ipimo mae anu ma'idek ka' anu lewa' saja' o'inau' padahan anu madi' ko kaliangannyo.

AYUB 7:9

Susumo kundom nohohungimo lantas madi'mo tinoa, manusia suele silaka, madi'mo po'ule' minsusule' mae. Iwi-iwi' na mian anu toho'mo nompahasumbu' tiba ia, nongkolilimimo ia ka' madi'mo nonginau' ia.

MAZMUR 55:3

Palahatikanakon mae na aku ka' taami mae na aku, aku silakamo nu kasusa'anku.

MAZMUR 88:15

O, Tumpu kadaka' Belento madi'mo mongkalinga aku? Kadaka' Belento mosiloimo madi'mo montoa mae aku?

MAZMUR 88:16

Daagi' pe'e ise-ise' na aku sinansalamo, ka' iyoo'mo nu kasilakan, aku madi'mo kinogawe apa-apaa na montanggung hukuman nu Belento.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

HOSEA 13:3

Kalana aijo' mian haha aijo' ihopu'anmo susumo sehu' kabai susumo dondu'ok daagi subu-subu. Aha saidi' mae sumomo abu' nu tangke nu gandum anu nu puuhimo nu mombun aijo' itampat pongututan gandum ka' mule' sumomo tibuk anu mosabat mae ipipa nu tibuk.

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.