AYUB 3:5 - KITAB NU TUMPU ALLA LELE MA'IMAI'

⁵ Potimbalimo na sinaa aijo' mo'itom totu-totu'u, pikat taha-tahahumo, madi'mo ko anu otoa-toa; saputmo nu kundom ka' mombun anu kahando'mo ujan pense'akon mae nu jingka anu majingka hondo.

AYUB 3:5 ပူးပေါင်းရင်းမြစ်များ

AYUB 16:16

Ohupku nohahamo kalana lewa'mo i humang; kikilapku nabakunmo ka' nobuloumo.

AYUB 24:17

Hi ia de subumo nu kabuhuk hondo, panyo anu talalo hondo pikat aijo' na nu ka'ima'i hondo.”

AYUB 28:3

Maumo pikat hondo panyo sabole-bole lumajang, tampat anu maleeng hondo mamba opalesa. Kiijo', i uno nu pintung, mian molio ngangahan nu batu.

AYUB 3:4

O Tumpu Allah, popintungakonmo mae na sinaa aijo', ka' bolimo mae o'inau' nu Belento sahingga madi'mo otoa; bolimo mae nupobee' nu belento na jingka monjingkai mae.

AYUB 3:6

Sahanyo bolimo ko malomnyo i bilangan nu taun ka' bilangan nu bitu'on; bolimo daagi' o'inau', ka' bolimo obilang.

AYUB 34:22

Madi' ko anu pintung, maumo ahi' pikat taha-tahahumo, anu timbali moko ala momposuluk miana nu baladosa'.

AYUB 38:17

Pa' toho'mo mian nompotoa hi beleyum sabatan daka' i ahop nu dunia nu mian anu sinilakamo anu pikat hondo?

MAZMUR 107:10

Daagi' ko anu pinosoopmo i uno nu kapintungan, mian anu tinalungku'mo nongoa'imo kasansala'an kalana pinungumo nu lante' besak,

MAZMUR 107:14

Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 44:19

Kinyonyoa mami madi' monsangka Belento; palentah nu Belento madi' okolilimi mami.

YESAYA 9:2

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

AMOS 5:8

Tumpu na nompotimbali to manda-mandala' aita' ilanga mandala' mian totolu' ka' mandala' mian da'isan. Ia nombabali'i pikat tinimbali na jingka ka' sinaa tinimbali pihi, uee lengkat mae i ambai binubusakon-Nyo i katano'an. Anu nombau iwi-iwi' aijo', sanggonyo aijo'mo Tumpu.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

PO'ULE' INGULIT 4:11

Sisikakon hi to ana-anak nu belemiu mosia na belemiu toka tuminjo i tengke nu bungkutnyo anu pinintungmo kalana sinaputmo nu tibuk sumomo kundom anu tinumatampokmo ka' apunyo noakmo tinokatokamo i langit.

IBRANI 12:18

To utu-utus madi' tinoka nangadap hi apa-apaa susumo anu pinangadapanmo nu bansa Israel naipuan mae. Aha nangadapmo hi apa-apaa anu timbali okanyang, aijo'mo Bungkutnyo nu Sinai tiba apunyo anu saja' moak, aha nangadapmo i kapintungan, hondomi' ka' antong;