AYUB 3:19 - KITAB NU TUMPU ALLA LELE MA'IMAI'

¹⁹ Kiijo' mae iwi-iwi' na mian pokakana: mian anu talasanggo tiba mian anu madi' talasanggo. Ka' to posa-posaihon opobebasmo.

AYUB 3:19 ပူးပေါင်းရင်းမြစ်များ

AYUB 21:26

Panyo i uno nu pinolamunan, aha pokakana bubu' pinomale'; ka' nukampuhimo nu ias.

AYUB 21:33

Momada-madala na mian anu i lumajang nontuntuni ia i lembanmo aijo'; ka' mule' tano' nomalasanmo na nontabuhi ia.

AYUB 3:18

Ka' mian anu i hakopmo sanangmo na kinyonyoanyo, madi'mo lewa' mohumpak pondoke hi mian anu monjagai.

AYUB 3:20

Kadaka' manusia opojohokmo da saja' tumuu' sansala? Kadaka' jingka obee'mo hi mian anu susa'?

AYUB 30:23

Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

MAZMUR 49:2

Potombihing mae, o iwi-iwi na bansa, pota'an mae na bihing, o mian anu jojoong i dunia,

ANU MOMPOLELE POTATAE NU TUMPU 12:5

Belemiu mabuhuk na mindako i bungkutnyo anu matangkas; ka' lumajang obala ingati ahi'. Ubak nu beleyum inguanonmo ka' tengke nu beleyum nu hela'mo salatan lumajangmo; sahingga lipunmo na kahanda' tiba anu okamilui. Kita mambamo i tampat kajojoonganto anu imihi-mihinyomo, to mia-mian anu tinokanmo nu kapatean ka' lewa'mo montando'i tutuus jalan.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

ANU MOMPOLELE POTATAE NU TUMPU 8:8

Madi' ko samian pe'e na moko ala montewa' kabai montunda kasilakannyo; aijo' sa'angu' na han anu madi' opoko ala opimpalii; ia madi' moko ala luput i han aijo'; maumo kapandean apaa na obau.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.