AYUB 29:7 - KITAB NU TUMPU ALLA LELE MA'IMAI'

⁷ De to tu'a-tu'anyo nu kota' sumuhang hingga-hinggat ka' aku nongala tampat aijo' i olot nu aha

AYUB 29:7 ပူးပေါင်းရင်းမြစ်များ

KAJADIAN 19:1

Noko lapas sinonso' hi Abraham, ua'aha na malaekat aijo' namba no nokiijo' i Sodom ka' tinoka ikiijo' pinihimo. I Lot hau-haunyo suha-suhang i sabatan daka' nu kota, ka' salatan nontoamo aha, ia tinuminjomo kahanda' molabot aha. Lantas tinolodadupumo na ia i ahop nu aha,

KAJADIAN 34:20

Lapas aijo' i Hemor ka' i Sikhem nambamo i tampat pogombuan i sabatan daka' nu kota, ka' nompoto'i hi aha anu jojoong i kota, sumo uuka.

AYUB 29:8

molengkatmo na to oli-olitau lia-lia' salatan tinoamo mae nu aha na aku. Ka' suele to tu'a-tu'anyo tuminjomo salaku mongadati aku.

AYUB 31:21

De bisuannyo aku toho'mo nonsansalai anak anu madi'mo ko tuumanyo ka' tinanyo, kalana da aku untung i palakalangku,

AMSAL 31:23

Langkai'nyo mian anu talasanggo; sala' samian anu aijo' hi aha polaya' nu kota'.

AMSAL 8:3

I sohipi' nu to saba-sabatan daka', ijalan minsoop ikota', ikiijo' na potataenyo ohongomo.

YEREMIA 38:7

Tempo'nyo aitu daagi' ko samian ia mian nu Sudan anu mokalaja ilaigan nu tomundo'. Sanggonyo i Ebed-Melekh. Ihongonyomo na aku taalu' inguluakonmo i uno nu bubung aijo'. Tempo'nyo aijo' i tomundo' hau-haunyo mompipin rapat i Sabatan Daka' Benyamin.

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

PO'ULE' INGULIT 16:18

“I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.

PO'ULE' INGULIT 21:19

Saba' tu'anyonyo tionyo ahi' momboa ia hi to pola-polaya' nu kota anu kajojoongan nu aha ka' opoita da anak aijo' obee'i hukuman.

I RUT 4:11

To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.