AYUB 29:13 - KITAB NU TUMPU ALLA LELE MA'IMAI'

¹³ Aku nupuji' nu mian anu talalo hondo susa', ku tulungi na mian anu binalumo sahingga aha madi'mo susa'.

AYUB 29:13 ပူးပေါင်းရင်းမြစ်များ

AYUB 22:9

Misa' ola to mia-mian anu balumo na madi' nu tulungi, panyo anu ingunonmo madi'mo ko tinanyo ka' tuumanyo suele ahi' nusansala' nu beleyum.

MAZMUR 67:4

O'amalakon da iwiiwi' na bansa mompuji' Belento o Tumpu, o'amalakon da iwi-iwi' na bansa monsumbu' montalima kaseh hi Belento.

AMSAL 11:26

Ihe na montambun balang nu totobi'akon nu mian; panyo ihe na molio palabuatan ma'idek nu tuda'i nu kasusa'an.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 65:14

Sabenannyo aha montaligalaimo ka' lame'mo, padahan belemiu humang ka' susa'mo.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 24:13

panyo tionyo ahi' osule'akonmo hi ia, de malomo, da Tumpu Allah nu belemiu sanang hi belemiu.

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

I RUT 2:20

“Anaku, mian itina' daagi' sampoto'utusanto anu daagi' ohani hondo mae tiba kita,” na koonyo i Na'omi, “Ia memang tionyo ahi' montolukakon kasusa'anto. O'amalakon da Tumpu mombalakati ia. Tumpu saja' mongganapi apaa na anu jinanji'-Nyomo, mau hi aha anu daagi' tutuu', mau mule' hi aha anu sinilakamo.”