AYUB 29:12 - KITAB NU TUMPU ALLA LELE MA'IMAI'

¹² Kalana, ku tulungi na mian kasiasi anu momoita tulung; ku tulungi na anak anu madi'mo ko tuumanyo ka' tinanyo anu madi'mo ko anu mompalakai.

AYUB 29:12 ပူးပေါင်းရင်းမြစ်များ

AYUB 24:4

Madi' opobee' nu aha na mian anu kasiasi mohumpak anu memang ia ahi' na tumpunyo, sahingga paya' naninsulukmo na miana nu kasiasi hondo.

AYUB 24:9

Mian anu ma'idek na kinyonyoanyo nombotuanimo anak anu madi' mo ko tinanyo ka' tuumanyo, ka' nongalamo bungamea' nu mian anu kasiasi anu ko samaya' hi ia.

AYUB 30:25

Te misa' aku i humangmo ahi' tiba mian anu sinusa'mo, ka' mongkalibosimo mian anu madi'anmo ko apa-apaa?

AYUB 31:17

Ma'isa toho' aku ola lewa' nompojohok anak anu madi'mo ko tuumanyo ka' tinanyo da mo'ohop, padahan aku aiya manjoo' na anu o kaan.

AYUB 31:18

Daagi' pe'e ise-ise' aha pinotuu'kumo; sampe toka iya na umunku sabole-bole ku palakai na aha.

AYUB 31:21

De bisuannyo aku toho'mo nonsansalai anak anu madi'mo ko tuumanyo ka' tinanyo, kalana da aku untung i palakalangku,

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

MAZMUR 72:12

Kalana ia nompobebasmo anu lewa' osakisa anu madi'mo, moko ala mombau apa-apaa, ka' mian anu kinasiasimo anu nomoitamo tulung hi ia.

MAZMUR 88:4

Nanjoo'mo na kasusa'an anu nontokaimo mae aku; kasilakan aiyamo mae i ahop nu sabatan.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

AMSAL 31:8

Tinjohiakon na aha anu madi' moko ala montinjohi butong nu aha. Jagaiakon na hak nu mian iwi-iwi'anu madi' moko ala mombau apa-apaa.

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.