AYUB 28:16 - KITAB NU TUMPU ALLA LELE MA'IMAI'

¹⁶ Mosoni' ka' mainan anu mahan hondo na olinyo madi' moko ala mongkakanai angga'nyo.

AYUB 28:16 ပူးပေါင်းရင်းမြစ်များ

1 TAWARIKH 29:4

mosoni' anu ma'ima' hondo molabi 100 na ton, ka' salaka anu madi' ko galo'nyo kila-kila 240 na ton bau polapisi pimpi' nu Laigan nu Tumpu, ka' to bala-balang anu tionyo ahi' nu bau nu to tuka-tukang anu toto pande-pande. Jadi uuka aiya daagi' ihe na ko kinyonyoanyo sanang mombee' anu osombahkon hi Tumpu?”

AYUB 28:15

Kapandean bapikin madi' opoko ala otolosi nu mosoni' anu madi' ko galo'nyo, ka' maumo suele salaka na bau pongoli madi' ahi' opoko ala.

AYUB 28:17

Mosoni' kabai kasa anu ma'ima' hondo madi' moko ala mongkakanai ia, madi' opoko ala obayan nu tampat pongisian mosoni' anu mahan hondo na olinyo.

MAZMUR 45:9

Baju' nu beleyum nanohongmo mur, gaharu, tiba cendana; pahaik musik ilaigan nu tomundo' anu ihiasan nu gading nompolame'mo beleyum.

NOSABATMO 28:20

I jiji'annyo anu ko opatnyo batu pirus, yakut, ka' ratna cempaka. Sampu-sampulu' ka' ohua' na mainan aijo' tionyo ahi' opuuti nu mosoni'.

NYANYIAN ANU TALASANGGO 5:14

Limanyo ma'ima' hondo ko sinsingnyo mosoni' ka' ko matanyo, butongnyo mimbalu-balu' bese' nu gaja binunga-bungaan nu batu nilam.

YESAYA 13:12

Mian anu oposalamat ola sangkiding, aha lebemo tomajo'onan samian ka' samian, sahanyomo mosoni' anu madi' kogalo'nyo na dengke na okabot.

YESAYA 54:11

Tumpu notatae, “O Yerusalem, kota' anu sinusa'mo, beleyum madi'mo moko ala mombau apa-apaa ka' madi'mo ko anu momposanang kinyonyoa. Pundasinyo haha aijo' po'ule'mo Ku bau akon, tiba to batu-batu anu halaga'nyo mahan.

MOHAANGI 4:7

Naipuan mae to pola-polaya' mami madi' ko anu opisala'i susumo kapas anu pute' hondo. Aha betek ka' mahoson, bikas ka' madi' ko panyakit.

YEHEZKIEL 28:13

Tampat kajojoongan nu beleyum i Eden taman nu Tumpu. Pakean nu beleyum binunga-bungan nu ngangahan na mainan; batu dalima tiba intan, topas, batu pirus, batu yakut, ratna, cempaka, batu nilam, zamrud, tiba batu alkali anu momea'. Palahiasan mosoni' nu beleyum suele ahi' manjoo'. Balang haha aijo' binaumo ka' binee' hi beleyum tempo'nyo beleyum pinojadimo.