AYUB 28:1 - KITAB NU TUMPU ALLA LELE MA'IMAI'

¹ Daagi' ko tampat anu lewa' pongkekean salaka; daagi' ko tampat mule' lewa' pontapisan mosoni' da totu-totu'u ohumpak na mosoni' anu madi' ko galo'nyo.

AYUB 28:1 ပူးပေါင်းရင်းမြစ်များ

KAJADIAN 23:15

“Santake na tano' anu olinyo ola pato atu na doi salaka – apaamo ahi' na alati'nyo aijo' hi kita ohua'? Lamunmo na bengkele' nu belento Tuan ikiijo'.”

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

1 TOMU-TOMUNDO' 10:21

Iwi-iwi' na pakakas bau ponginuman i Salomo, mosoni' na binau, ka' iwi-iwi' na pakakas anu pino'una' i Laigan Alas Libanon suele mosoni' anu madi' ko galo'nyo na binau. Madi' ko anu salaka na binau, kalana tempo'nyo daagi' i Salomo nompalentah mian montoa salaka aijo' madi' ko olinyo.

AYUB 27:23

Ia nohumpakmo balaa' ola mian nohapa'i lima; iyaya mae na tampat ola saja' mongalu ia.”

AYUB 28:2

Besak okekei ka' ohumpak i uno nu tano'; batu opomoe' ka' otapis da ohumpak na tambaga.

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

AMSAL 27:21

Mosoni' tiba salaka o uji' i ponsuangannyo; mian osumbu' ikolangka-langkasnyo mosia de ia opuji'mo.

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.