AYUB 27:7 - KITAB NU TUMPU ALLA LELE MA'IMAI'

⁷ O'amalakon da mian anu mompisala'i aku o hukum susumo mian anu palaganta, ka' mian anu monggagakon mae aku mohumpak hukuman susumo mian anu saja' mombau anu ma'idek.

AYUB 27:7 ပူးပေါင်းရင်းမြစ်များ

2 SAMUEL 18:32

Pinokilawamo i tomundo', “Pa' i Absalom olitau aijo' daagi ahi' tutuu'?” Lantas tinaamanmo nu posaihon aijo', “Paya' iwi-iwi' na anu monsampo bali' belento Tomundo' ka' iwi-iwi' na mian anu saja' moto muhut mombau anu ma'idek hi belento Tomundo' tinokanmo nu ukun pokakanamo susumo olitau aijo'.”

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 27:8

Te daagi' mule' ko anu nutaha'imani nu mian anu ma'idek na kinyonyoanyo, de tokamo na tempo'nyo Tumpu Allah mongalamo nyawanyo?

AYUB 31:35

Pa' madi'mo ko mian anu mongka'oho' mompotombihing potataengku? Aku basumpa' saba' memang totu'u na iwi-iwi' aijo'. O'amalakon da Anuje Daka na kuasanyo na montaami mae aku. De bisuannyo sangka'an nu anu mongka'ideki mae aku tinulis iwi-iwi' sahingga tinoangku,

DANIEL 4:19

Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.