AYUB 27:6 - KITAB NU TUMPU ALLA LELE MA'IMAI'

⁶ Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 27:6 ပူးပေါင်းရင်းမြစ်များ

AYUB 13:18

Anu jinadimo aiya i butongku ingitu-itumkumo da ku poto'imo; sinumbu'kumo na aku madi' koko opisala'i!

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

AYUB 2:3

Pinokilawa nu Tumpu, “Pa' totu-totu'u tinoamo nu beleyum na mian-Ku i Ayub? I dunia aiya songko-songko madi' ko mian anu ma'ima' na kinyonyoanyo sumo ia. Ia monsombah Aku ka' totu'u madi' lewa' mombau anu ma'idek. Ia daagi sabole-bole tulu-tulutan hi belengku, maumo oko pagalamo monsale'i Aku da opateimo na ia, mau madi' ia ko sala'nyo.”

AYUB 27:7

O'amalakon da mian anu mompisala'i aku o hukum susumo mian anu palaganta, ka' mian anu monggagakon mae aku mohumpak hukuman susumo mian anu saja' mombau anu ma'idek.

AYUB 29:14

Iwi-iwi' na anu binaungkumo madi' tageo' ka' madi' koalunyo; aku saja' montinjohakon ka'adilan.

AYUB 31:6

De timbali da Tumpu Allah montimbang aku i timbangan anu sahondo-hondonyo, da Nusumbu'je na aku taalu' madi' ko kasala'an.

AYUB 31:7

De bisuannyo aku noselemo, madi'mo nontulu i jalan anu totu'u, kabai kinyonyoangku nongka'ima'imo han anu mahumimi', de limangku kino nodanyomo nu dosa'

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

AMSAL 4:13

Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo.

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!