AYUB 27:5 - KITAB NU TUMPU ALLA LELE MA'IMAI'

⁵ Jadi, madi'mo aku mongka'oho' montaloakon tukoongku belemiu totu'u, sampe aku silaka sabole-bole ku akui na aku aiya memang susi'.

AYUB 27:5 ပူးပေါင်းရင်းမြစ်များ

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

AYUB 2:3

Pinokilawa nu Tumpu, “Pa' totu-totu'u tinoamo nu beleyum na mian-Ku i Ayub? I dunia aiya songko-songko madi' ko mian anu ma'ima' na kinyonyoanyo sumo ia. Ia monsombah Aku ka' totu'u madi' lewa' mombau anu ma'idek. Ia daagi sabole-bole tulu-tulutan hi belengku, maumo oko pagalamo monsale'i Aku da opateimo na ia, mau madi' ia ko sala'nyo.”

AYUB 2:9

Bengkele'nyo notataemo hi ia, “Te daagi' mule' totobo' na beleyum sabole-bole montuluti Tumpu Allah? Donganmo o, totobi'akon na la, lantas mangkongmo!”

AYUB 29:14

Iwi-iwi' na anu binaungkumo madi' tageo' ka' madi' koalunyo; aku saja' montinjohakon ka'adilan.

AYUB 31:6

De timbali da Tumpu Allah montimbang aku i timbangan anu sahondo-hondonyo, da Nusumbu'je na aku taalu' madi' ko kasala'an.

AYUB 31:7

De bisuannyo aku noselemo, madi'mo nontulu i jalan anu totu'u, kabai kinyonyoangku nongka'ima'imo han anu mahumimi', de limangku kino nodanyomo nu dosa'

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

AYUB 32:3

Ia mule' nontambuha'imo aha totolu' na bela' i Ayub haha aijo' kalana aha madi' moko ala monggagakon potatae i Ayub, padahan aha lewa' mompisala'i ia.

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

AYUB 42:7

Salatan ilapasmo na notatae hi Ayub, Tumpu notataemo hi Elifas, “Ku tambuha'imo na beleyum ka' hi sangalu nu beleyum ua'aha aijo', kalana belemiu madi' mompoto'i anu ahi' sahondo-hondonyo mongkona Aku. Panyo i Ayub posaihonku aijo' madi' sumo aijo'.

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

AMSAL 17:15

Tumpu mongka'ideki mian anu mompototu'u mian anu palaganta; ka' mompisala'i mian anu madi' kosala'nyo.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

GALATIA 2:11

Salatan i Petrus tinoka kiijo' i Antiokhia, pinisala'ankumo na ia i aho-ahopnyo, kalana apaa na anu binaunyomo sala'.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.