AYUB 27:22 - KITAB NU TUMPU ALLA LELE MA'IMAI'

²² Balaa' anu nontuda'imo ia aijo' madi'mo nonginau' kalibosan, jadi bemanau' sahanyo ahi' nopalaimo molio paninsulukan.

AYUB 27:22 ပူးပေါင်းရင်းမြစ်များ

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 11:20

Panyo mian anu ma'idek na kalakuannyo montoa ia masakit na ubaknyo, kalana hi aha madi' ko anu montulungi. Me sa'a-sa'angu'nyo na anu nutaha'imani nu aha aijo'mo da ukun sampamo mae toka.”

AYUB 20:24

De ia mopalai da boli nukona nu bajak anu ko aja'nyo, ia nubelaimo nu pana' tambaga.

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

YUNUS 1:10

Lapas aijo' ia nonsisikmo pa' mosia na ia nalai mae lengkat i Tumpu. Nohongo aijo' to mia-mian pangalaja nu kapan haha aijo' lebemo mule' nabuhuk ka' notataemo hi ia, “Baani hondo na beleyum nombaumo sumo aijo'?”

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

PO'ULE' INGULIT 32:23

Sabole-bole saja'mo Ku potoka na balaa' pana'-Ku iwi-iwi' Ku peletakonmo hi aha.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.