AYUB 27:21 - KITAB NU TUMPU ALLA LELE MA'IMAI'

²¹ Mombun nu kabete'an nohangkatmo ia, kia' nompuhakonmo ia lengkat aijo' i laigannyo.

AYUB 27:21 ပူးပေါင်းရင်းမြစ်များ

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

AYUB 20:8

Ia madi'mo otoa-toa susumo anu ola ingipi, madi'mo otoa-toa susumo anu pinihimo.

AYUB 21:18

Te toho' aha susumo hat ka' abu' anu nutilahabakonmo nu antong ka' mombun anu motulu?

AYUB 30:22

Belento nompojohokmo mae aku da nutilahabakonmo nu mombun, i uno nu antong anu makansang hondo Belento nombali-balikakonmo aku.

MAZMUR 102:10

Aku mongkaan abu' sumomo roti, anu ku inum mogalo-galo'mo lolu',

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

MAZMUR 58:9

Bakas da aha sumomo see' anu tinontanyekmo tinimbalimo ilu, susumo bungamea' anu sinilakamo ma'isa pe'e nontoa jingka.

MAZMUR 83:15

Susumo apu anu mompapuimo alas, moak nu apu anu montoyo'imo bungkutnyo iwi-iwi'.

YEREMIA 18:17

Susumo abu' nu tilahabakonmo nu mombun anu lengkat mae isasu kabete'an, sumo aijo'mo na mian anu palesayamo hi beleng-Ku, Ku bee'mo hi sampobali. De tokamo na kasilaka'an, Ku hikumo na aha ka' madi'mo daagi' montulungi aha!”

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

MATIUS 7:27

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' motua'. Ka' ka'idekannyo talalo hondo!”