AYUB 27:19 - KITAB NU TUMPU ALLA LELE MA'IMAI'

¹⁹ Ia momale'akon butongnyo susumo mian anu kaya, panyo ia madi' moko ala po'ule' mongulit, salatan ia mobulamo aijo' mae ikahoyotannyo madi'mo daagi' ko kakaya'annyo.

AYUB 27:19 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

AYUB 14:10

Panyo de manusia silakamo, madi'mo daagi' ko anu lewa' monsisik; ia silakamo lantas moyamo na ia?

AYUB 20:5

kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

AYUB 21:30

Koonyo nu aha, “De tokamo na tempo'nyo Tumpu Allah mombee'imo hukuman, to mia-mian anu ma'idek na kinyonyoanyo oposalamatmo.”

AYUB 24:24

Ola sasaingoni' na ia tumuu' bilahi, panyo lapas mae madi'mo daagi' ko kabilahian sampe toka sidu-sidutu'. Ia mangkalualemo susumo hemput anu madi' ko kaliangannyo; susumo tangkenyo nu pae anu pinadakmo i batangnyo.

AYUB 30:23

Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

AYUB 7:8

Uuka aiya nutoa nu beleyum na aku – panyo aijo' madi' pin. De aku nulio nu Belento, saba' aku madi'mo ohumpak.

AYUB 8:22

Anu mongka'ideki beleyum ma'ambangmo, ka' nu oa'i madi'mo ko angga'nyo, ka' laigan nu mian anu uwesan o'ideimo sahingga madi'mo ko buyo'nyo.”

MAZMUR 58:9

Bakas da aha sumomo see' anu tinontanyekmo tinimbalimo ilu, susumo bungamea' anu sinilakamo ma'isa pe'e nontoa jingka.

AMSAL 23:4

Boli talalo basusa-susa' kahanda da timbali kaya. Bolimo ototu'ui na niat nu beleyum aijo'.

AMSAL 23:5

Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”