AYUB 25:4 - KITAB NU TUMPU ALLA LELE MA'IMAI'

⁴ Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

AYUB 25:4 ပူးပေါင်းရင်းမြစ်များ

AYUB 14:1

Salatanmo pe'e manusia aijo' pinohampe madi' moko ala mombau apa-apaa, ka' madi' mahoson; umunnyo kodo' ka' saja' mongoa'i sansala.

MAZMUR 130:3

De Belento saja' monginau' dosa' mami, o, Tumpu, ihe na moko ala totahan i ahop nu Belento?

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.