AYUB 24:4 - KITAB NU TUMPU ALLA LELE MA'IMAI'

⁴ Madi' opobee' nu aha na mian anu kasiasi mohumpak anu memang ia ahi' na tumpunyo, sahingga paya' naninsulukmo na miana nu kasiasi hondo.

AYUB 24:4 ပူးပေါင်းရင်းမြစ်များ

AYUB 24:14

Daagi' subu-subu hondo mian anu topo patei nobulamo madi' mo ia i hoyot, lantas mosabatmo mamba mompatei mian anu kasiasi hondo madi'mo ko apa-apaa, ka' de ma'isa mopatas dodop subu, ia daagi' lewa' monggogiap susumo mian anu montomang.

AYUB 29:12

Kalana, ku tulungi na mian kasiasi anu momoita tulung; ku tulungi na anak anu madi'mo ko tuumanyo ka' tinanyo anu madi'mo ko anu mompalakai.

AYUB 29:16

Kona hi mian anu kasiasi, akumo na bau tuuma nu aha; kona hi mian anu i salipu'an mae, akumo na montoakon aha.

AYUB 30:25

Te misa' aku i humangmo ahi' tiba mian anu sinusa'mo, ka' mongkalibosimo mian anu madi'anmo ko apa-apaa?

AYUB 31:16

Ma'isa toho' aku madi' nontulungi mian anu kasiasi hondo, kabai ola lewa' nompojohok to balu-balu tumuu' susa' anu madi'mo ko anu nupitaha-taha'imani nu aha.

AYUB 31:19

De ku toa na mian anu susa', anu kasiasi hondo madi'mo moko oli pihude,

MAZMUR 109:16

Kalana mian aijo' madi' toho' monginau' mompotoa kalibosan. Ia monsakisa mian kasiasi ka' anu sansala, ka' nompateimo mian anu madi' mahoson.

MAZMUR 41:1

Anu mongkapalai panyanyi. Mazmur i Daud.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 22:16

Ihe na mongka'oho' timbali kaya, tiba jalan monsansala mian anu kasiasi ka' mombee'i palasen hi mian anu kaya, imihinyo mae timbalimo kasiasi hondo.

AMSAL 28:12

De mian anu manonong na balakuasa, iwi-iwi' na mian mongoa'i ka'sanangan, de mian anu ma'idek na kinyonyoanyo na mompalentah, mian da'isan matisulukmo.

AMSAL 28:28

De mian anu ma'idek na kinyonyoanyo balakuasa, mian da'isan matisuluk; de mian anu ma'idek na kinyonyoanyo silaka; mian anu adin timbali bebas na mompalentah.

AMSAL 30:14

Daagi' ko mian anu molio Kaanon nu jalan anu talalo buhingison, aha talalo hondo buhingison ka' molio ka'untungan hi mian kasiasi ka' hi mian anu madi' moko ala mombau apa-apaa.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 18:18

Panyo mule' ahi' tuumanyo anu saja' mongakali, mombuling, ka' mombau palabuatan ma'idek sangga'at na mate ahi' kalana iwi-iwi na dosa' anu posi ia ahi' na nombau.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!