AYUB 24:23 - KITAB NU TUMPU ALLA LELE MA'IMAI'

²³ Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

AYUB 24:23 ပူးပေါင်းရင်းမြစ်များ

AYUB 10:4

Pikilan nu Belento madi' pokakana tiba pikilan nu manusia

AYUB 11:11

Nusumbu' hondo nu Tumpu Allah na mian anu baleko'; anu ma'idek na nubau nu aha madi' ka' madi' nutoa ahi' nu mata-Nyo.

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 31:4

Tantu nusumbu' nu Tumpu Allah na anu binaungkumo iwi-iwi'; kolangka-langkasku iwi-iwi' tinoa-Nyomo.

AYUB 34:21

Kantumuu'an nu manusia ia na monjagai Nutoa iwi-iwi' na kolangka-langkas nu manusia.

MAZMUR 10:5

Mian anu ma'idek na kinyonyoanyo de mombaumo apa-apaa nu humpak na hasinnyo; ia madi' mangalati' kabai monsumbu' atulan nu Tumpu ka' madi' mompajuli iwi-iwi' na anu mongewa mae ia.

MAZMUR 119:168

Aku montulutimo palentah ka' pokinde' nu Belento, kalana tinoamo mae nu Belento iwi-iwi' na palabuatanku.

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

AMSAL 5:21

Tumpu montoa apa-apaa na anu binau mo nu manusia. Maumo mamba moya na manusia, Tumpu mompopiakon.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

ANU MOMPOLELE POTATAE NU TUMPU 8:11

Kadaka' talalo dengke na mian mombau anu ma'idek aijo'? Kalana madi' sampa ohukum na ia.

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

AMOS 8:7

Tumpu, bansa nu Israel, binasumpa'mo “Aku totu-totu'u madi' mongkolilimi kalakuan nu aha anu ma'idek.

AMOS 9:2

Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

LUKAS 12:45

Panyo de pokauhon aijo' motatae i uno nu kinyonyoanyo, ‘Tuanku daagi' pin minsusule'je mae,’ lantas dinokenyo iwi-iwi' na posaihon, ka' nongkaan nonginum sampe nalangu,

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.