AYUB 24:13 - KITAB NU TUMPU ALLA LELE MA'IMAI'

¹³ Daagi' ko to mia-mian anu madi' mongka'ima'i jingka ka' mule' ahi' nu ka'ideki, aha madi' monsumbu-sumbu' ka' madi' mombatuki jalannyo.

AYUB 24:13 ပူးပေါင်းရင်းမြစ်များ

1 TOMU-TOMUNDO' 3:20

Tonga' pahu hau-haunyo aku i hoyotmo ia nobulamo lantas nongalamo bunga mea'ku aya i sohipi'ku. Bunga mea'ku aijo' pinomale'nyomo i kahoyotannyo, ka' bunga mea'nyo anu sinilakamo aijo' pinomale'nyomo i kahoyotanku.

AYUB 24:12

I sinin na kota' i hongomo na tano' nu mian anu toto ide-idek na kinyonyoanyo, to mia-mian anu binelaonmo momoita tulung da opakuli'i, panyo Tumpu Allah madi' mohongo do'a nu aha; Ia madi' mompajuli aha.

AYUB 24:14

Daagi' subu-subu hondo mian anu topo patei nobulamo madi' mo ia i hoyot, lantas mosabatmo mamba mompatei mian anu kasiasi hondo madi'mo ko apa-apaa, ka' de ma'isa mopatas dodop subu, ia daagi' lewa' monggogiap susumo mian anu montomang.

AYUB 24:16

Mian anu lewa' mombuling mongguili laigan tonga' bongi'; de sinaamo ia madi' manintoa i jingka ka' maninsulukmo.

AYUB 38:13

Pa' toho'mo na beleyum nompokau sinaa nontoongi dunia ka' nongkobahakon mian anu ma'idek na kinyonyoanyo lengkat mae kiijo' i tampat paninsulukan nu aha?

AYUB 38:15

Jingka nu sinaa talalomo najingka hi mian anu madi' palesaya Tumpu, ka' montewa' aha da bolimo panggaga.

AYUB 5:14

De sinaamo aha nu konamo mae nu pintung maha kanyanganmo susumo anu pihimo.

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

YOHANES 12:40

‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

YOHANES 8:31

Lapas aitu i Yesus notataemo hi to mia-mian Yahudi anu pinalesayamo hi Ia, “De komiu tumuu' mombatuki pokinde'-Ku, komiu totu-totu'u anu saja' mombatuki Aku.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.