Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AYUB 24:1 - KITAB NU TUMPU ALLA LELE MA'IMAI'

1 Kadaka' Tumpu Allah madi' nompotantu sinaa anu katokaannyo mae momputusi palakala, da to mia-mian anu monsumbu'mo Ia mohumpak kaputusan anu adin?

အခန်းကိုကြည့်ပါ။ ကော်ပီ




AYUB 24:1
29 ပူးပေါင်းရင်းမြစ်များ  

Tumpu notataemo i uno nu kinyonyoanyo, “Madi' ku pohowini hi Abraham apaa na anu Ku baumo.


Daagi' pintu sinaa aku mombulokakonmo mae ujan, anu madi' ko kabatannyo sampe patompulu' na sinaa patompulu' na pihi na kopinnyo, da anu ko nyawanyo bibinaung-Kumo aijo' silakamo.”


Mian anu uwesan na monsakisa bubuu' sangko miannyo, saja' mongoa'i bata-bata i uno nu kantumuu'annyo.


Panyo aku montaha'imani Belento o Tumpu, kalana Belentomo na Tumpu-ngku.


Belentomo na pinolengkatan nu kantumuu'an nu iwi-iwi' na anu konyawanyo, i uno nu jingka nu Belento na kami nontoamo jingka.


Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.


Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.


Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.


ka' mule' auan anu madi' da'isan na miannyo ka' madi' talaholomat timbalimo bansa anu manjoo' na miannyo ka' mule' mahoson. Aku Tumpu sampamo, mompojadi aijo' ka' madi' sala' na tempo'nyo.”


Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.


Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.


“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.


Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.


I sinaa ma'isa pe'e kino iyaba' daka' aijo', to mia-mian mongkaan monginum, ka' mo'osoa. Sumo aitumo na saja' binau sampe tinokamo na sinaa i Nuh ninsoop i uno nu kapan.


Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.


Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.


Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.


Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.


To Utu-utus madi' palalu kami montulis sulat toka hi komiu, hipian na katantuan nu tempo'nyo, hahan aijo' timbalimo.


Roh nu Tumpu nontaloakonmo totu-totu'u, tukoonyo sinaa anu aiya mae o ahopi, sambagian na mian madi'mo palesaya, mombahakonmo i Kristus. Aha montulutimo to roh-roh anu sala'na ajalannyo ka' mombatukimo to aja-ajalan nu roh anu ma'idek,


Katokaan-Nyo nu posi tantukanje nu Tumpu i tempo' anu matantu. Iamo na samata-mata Mongkuasai; Ia anu talasanggo, Tomundo i iwi-iwi na tomundo, ka' Tumpu i iwi-iwi na tuan.


Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ