AYUB 23:12 - KITAB NU TUMPU ALLA LELE MA'IMAI'

¹² iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

AYUB 23:12 ပူးပေါင်းရင်းမြစ်များ

AYUB 15:11

Kadaka' Tumpu Allah mohase' madi' nuka'oho' nu beleyum? Kalana sanggonyo sahingga kami motatae sabaan hondo ka' madi' ko pesa-pesa.

AYUB 22:22

Talimamo apaa na anu pinokinde'akonmo nu Tumpu hi beleyum; boli okolilimi na aijo' iwi-iwi' i uno nu kinyonyoa nu beleyum.

AYUB 23:13

Tumpu Allah aijo' madi' mongabali'; madi' ko anu moko ala mongewa Ia. Ia moko ala mombau apaa na anu Nu ka'ima'imo, ka' nu tuka'mo.

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

AYUB 6:10

Hi belengku han anu susumo aijo' timbalimo salaku bau pomposanang kinyonyoa; ka' mule' aku ola mompaka pinsesengko' maumo aku i uno nu kasansala'an. Sinin na palentah nu Tumpu Allah Anu Talalo hondo susi', tinulutankumo totu-totu'u ka' saja'mo binaungku.

MAZMUR 119:103

Talalo hondo matami' na potatae nu Belento nyamitnyo lebe matami' nulingkudui na juu' nu uani'.

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 119:127

Palentah iwi-iwi' nu Belento lebe ku ka'ima'i molingkudui mosoni', molingkudui mosoni' anu madi' ko galo'nyo.

MAZMUR 33:11

Panyo tanga'an nu Tumpu na tataap ahi' sabole-bole jadi tanga'an-Nyo otaha'imani sampe toka sidu-sidutu'.

AMSAL 30:8

Da boli sampe aku montaeakon potatae anu madi' adin ka' baleko', ka' boli opojohok na aku kasiasi kabai kaya. Ola anu ku palalui na bee'mae hi belengku.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 12:46

saba' tuannyo ninsusule' mae i sinaa ka' jam anu madi' opoko sumbu-sumbu'. Ka' posaihon aijo' nu bandahije hondo-hondo nu tuannyo ka' nu potimbali pokakana tiba to mia-mian anu madi' mohongo-hongo Tumpu.

YOHANES 4:32

Panyo i Yesus nontaami, “Daagi' ko anu okaan hi beleng-Ku anu madi' osumbu' miu.”

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

YOHANES 8:31

Lapas aitu i Yesus notataemo hi to mia-mian Yahudi anu pinalesayamo hi Ia, “De komiu tumuu' mombatuki pokinde'-Ku, komiu totu-totu'u anu saja' mombatuki Aku.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.