AYUB 23:10 - KITAB NU TUMPU ALLA LELE MA'IMAI'

¹⁰ Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 23:10 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

2 SAMUEL 22:22

Aku nontulutimo palentah nu Tumpu ka' madi' ahi' pinanggaga hi Tumpu Allah-ngku.

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 23:7

Aku madi' ko kasala'an jadi timbali ahi' mompototu'u butongku i ahop-Nyo, jadi aku nu poto'imo mae madi'mo mohumpak hukuman sampe toka sidu-sidutu'.

AYUB 31:4

Tantu nusumbu' nu Tumpu Allah na anu binaungkumo iwi-iwi'; kolangka-langkasku iwi-iwi' tinoa-Nyomo.

AYUB 31:6

De timbali da Tumpu Allah montimbang aku i timbangan anu sahondo-hondonyo, da Nusumbu'je na aku taalu' madi' ko kasala'an.

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

AYUB 7:18

Nu selidiki nu Belento na ia salatan subumo, ka' madi' ko olotnyo na ia saja' o uji' nu Belento.

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 11:5

Tumpu monguji' mian anu ma'ima' na kinyonyoanyo ka' mian anu ma'idek na kinyonyoanyo Ia mongka'ideki mian anu saja' singgi.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 66:10

O, Tumpu Belento nonguji'mo mae kami susumo mian anu nonsuangmo tambaga i apu da osumbu' na tambaga aijo' pa' totu-totu'u madi' ko galo'nyo.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

YEREMIA 12:3

Panyo Belento o Tumpu monsumbu' aku. Tinoamo nu belento mae apaa na anu binaungkumo, ka' Belento monsumbu' ahi' mosia na anu ku oa'i i uno nu kinyonyoangku padon atina' hi Belento. Boa na mian anu toto ide-idek na palabuatannyo haha atina' isambiha'nyo, boa na aha susumo domba itampat pongkolotan. Jagai na aha sampe tokamo na tempo'nyo aha okolotmo.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

1 KORINTUS 3:15

Panyo de kalaja nu mian mopapu ia lugi; ia timbali salamat, panyo sumo mian anu moko ala lumajang montulu apu.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 11:17

Ola kalana bala'iman, sahingga i Abraham nonsombahkonmo i Ishak salaku koloban tempo'nyo ia inguji' nu Tumpu. Tumpu nombee'mo anu jinanji'-Nyomo hi Abraham, panyo i Abraham i halala'mo na nombee' anaknyo anu ola sa'a-sa'angu'nyomo aijo'.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.