AYUB 22:7 - KITAB NU TUMPU ALLA LELE MA'IMAI'

⁷ Mian anu kainmo na mokalaja madi'mo nu po'inumi nu beleyum uee, anu mo'ohopmo madi' nu bee'i nu beleyum mongkaan.

AYUB 22:7 ပူးပေါင်းရင်းမြစ်များ

AYUB 31:16

Ma'isa toho' aku madi' nontulungi mian anu kasiasi hondo, kabai ola lewa' nompojohok to balu-balu tumuu' susa' anu madi'mo ko anu nupitaha-taha'imani nu aha.

AYUB 31:17

Ma'isa toho' aku ola lewa' nompojohok anak anu madi'mo ko tuumanyo ka' tinanyo da mo'ohop, padahan aku aiya manjoo' na anu o kaan.

AYUB 31:31

Nusumbu' nu to mia-mian anu mokalaja hi belengku saba' maumo pa' ihe ku bee'i mongkaan i laiganku.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

YESAYA 58:10

Bee'i mongkaan na mian anu mo'ohop ka' tulungi na to mia-mian anu sinansalamo. De belemiu mombaumo sumo aijo', saba' pikat hondomi' anu atina' hi belemiu majingkamo susumo sinaa.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

YEHEZKIEL 18:16

kabai sola' mompakisa mian, kabai sola' mombulingi mian maumo pa' ihe. Balang-balang anu bau ponggadei nu mian anu ko samaya' hi ia saja' ahi' nu sule'akon. Mian anu mo'ohopmo nu bee'i mongkaan ka' mian anu madi'mo ko baju'nu bee'i baju'.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

MATIUS 25:42

Kalana tempo'nyo Aku mo'ohop; komiu madi' nombee'i Aku mongkaan; tempo'nyo Aku negot, komiu madi' mombee'i Aku monginum.

ROMA 12:20

Ola ahi', de anu monsampo bali' beleyum mo'ohop, obee'i na ia mongkaan; ka' de ia megot obee'i na ia monginum. Kalana de mombau anu sumo aijo', kita Utus sumomo nompopo'ambangmo ia.