AYUB 22:5 - KITAB NU TUMPU ALLA LELE MA'IMAI'

⁵ panyo kalana nanjoo'mo hondo na dosa' nu beleyum, ka'talalo ahi' ma'idek na kalakuan anu binaumo nu beleyum.

AYUB 22:5 ပူးပေါင်းရင်းမြစ်များ

AYUB 11:14

Alinimo na dosa' i uno nu kinyonyoa nu beleyum ka' alinmo jo'o-jo'on na kalakuan anu ma'idek anu itina' i laigan nu beleyum!

AYUB 11:6

Ka' o'amalakon da nupotoaje nu Tumpu Allah hi beleyum, kalana kapandean aijo' manjoo' na ngangahannyo, ka' madi' opoko ala nusumbu' nu manusia. Sahingga mangalati'mo ahi' na beleyum saba' kasansala'an nu beleyum atina' ma'isa pe'e sangkuka, de opokakanakon tiba hukuman anu memang konanyomo na nu talima nu beleyum.

AYUB 21:27

Memang ku sumbu' apaa na anu opotutugakon nu belemiu, ka' iwi-iwi' na kalakuan anu ma'idek anu otanga'imo nu belemiu.

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

AYUB 32:3

Ia mule' nontambuha'imo aha totolu' na bela' i Ayub haha aijo' kalana aha madi' moko ala monggagakon potatae i Ayub, padahan aha lewa' mompisala'i ia.

AYUB 36:17

Panyo uuka aiya kalana hahan anu ma'idek bibinaumo nu beleyum atina', beleyum mohumpakmo hukuman.

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 40:12

O Tumpu boli mae belenti na mongkalibosi mae aku; saja' mae ahi' ojagai na aku nu kalibosan tiba kanonongan nu Belento.