AYUB 22:30 - KITAB NU TUMPU ALLA LELE MA'IMAI'

³⁰ Nutulungi nu Tumpu na beleyum de beleyum madi'mo ko kasala'an, ka' de beleyum mombau apaa na anu nuka'ima'i nu Tumpu.”

AYUB 22:30 ပူးပေါင်းရင်းမြစ်များ

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

AYUB 23:1

Panyo tinaamanmo i Ayub, “Aku notambuha'mo ka' notusa'mo hi Tumpu Allah; madi'mo ku poko intim apaa na anu ku oa'i susa' aiya.

AYUB 42:9

I Elifas, i Bildad tiba i Zofar, nombaumo apaa na anu pinokauhakonmo nu Tumpu ka' tinalimamo nu Tumpu na do'a i Ayub.

MAZMUR 18:20

Ia nompolapas aku da madi' kinona nu balaa' ka' nomposalamatmo aku kalana Ia sinosokmo hi belengku.

MAZMUR 24:3

Ihe na moko ala mindako i Bungkutnyo nu Tumpu, ka' minsoop i uno nu Laigan-Nyo?

MAZMUR 24:4

Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 58:12

Kota' anu pininmo na na'idek po'ule'mo opotinjo i tampatnyo anu momona. Belemiu osanggohimo ‘Bansa anu po'ule'mo nombau pagan mesen ka' nompokoima'imo to lai-laigan anu i hansunmo.’ ”

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.