AYUB 22:28 - KITAB NU TUMPU ALLA LELE MA'IMAI'

²⁸ Apa-apaa na anu nubau saja'mo mingkaliangan, ka' jingka monjingkaimo kantumuu'an nu beleyum.

AYUB 22:28 ပူးပေါင်းရင်းမြစ်များ

AYUB 11:17

Kantumuu'an nu beleyum lebemo majingka nulingkuduimo na sinaa, ka' kantumuu'an nu beleyum anu lewa' pinintung majingkamo susumo jingkanyo daagi' subu.

AYUB 29:3

Aku saja' Nu tulungi mae, Nu jingkai mae na aku de mamba lumajang i uno nu pikat.

AYUB 33:28

Tumpu Allah na nontewa' aku boli mamba i dunia nu mian anu silakamo sahingga aku daagi' tinumuu' sampe uuka aiya.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 20:4

O'amalakon da iwi-iwi' na anu sinombahkonmo nu beleyum nu inau' mae, ka' sanang na Ia i koloban nu beleyum iwi-iwi' anu opotunu.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 21:22

Mau mule' apaa na anu opoita miu i uno nu do'aum, tionyo o humpak miu, asan komiu palesaya.”

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YAKOBUS 4:15

Sabenannyo ahi' komiu motatae sumo uuka, “De nupobee' nu Tumpu na kami tumuu', ka' mombau aiya kabai aijo'.”