AYUB 22:27 - KITAB NU TUMPU ALLA LELE MA'IMAI'

²⁷ De beleyum balado'a nu taamimo na beleyum, ka' apaa na anu jinanji'mo nu beleyum hi Ia nubaumo nu beleyum.

AYUB 22:27 ပူးပေါင်းရင်းမြစ်များ

2 TOMU-TOMUNDO' 13:4

Lantas i Yoahas binalado'amo hi Tumpu, ka' Tumpu nohongomo do'anyo aijo', kalana tinoa nu Tumpu talalomo hondo inguesan na tomundo' nu Siria mongkabisa'i mian nu Israel.

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

2 TAWARIKH 33:13

Tumpu Allah nohongomo do'a i Manasye ka' po'ule'mo nonsule'akon ia namba i Yerusalem da po'ule' mule' mompalentah. Kalana apaa na anu jinadimo hi Manasye aijo' sahingga ia pinalesayamo hondo-hondo tukoonyo taalu' memang Tumpu aijo'mo na Tumpu Allah.

AYUB 11:13

O Ayub, pobelesimo na kinyonyoa nu beleyum, ka' pompele-pele'mo! Balado'amo hi Tumpu Allah!

AYUB 27:10

Sabenannyo ia saja' ahi' mongindi kasanangan anu lengkat mae hi Tumpu Allah, ka' balado'a hi Ia boli ma'osa.

AYUB 33:26

De ia balado'amo, ia nukalibosimo nu Tumpu Allah, sahingga lame'mo hondo na ia mompuji' Tumpu Allah ka' Tumpu Allah po'ule'mo mompohoson ia susumo momonanyo mae.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

AYUB 8:6

De kinyonyoa nu beleyum totu-totu'u hodi', ka' madi' kopisala'nyo, Tumpu Allah sampa montulungi beleyum; ka' salaku balosnyo, auwan nu beleyum mompo'ule' ma'ima'.

MAZMUR 116:1

Ku ka'ima'i na Tumpu, kalana Ia nohongomo mae aku, ka' nonginau'mo mae anu pinoitangkumo.

MAZMUR 116:14

Aku tionyo ahi' mongganapi anu jinanji'kumo hi Ia, i ahop nu mian iwi-iwi' anu palesayamo hi Ia.

MAZMUR 56:12

Aku palesayamo hi Ia, sahingga aku madi'mo mabuhuk, manusia madi' moko ala mombau apa-apaa hi belengku.

MAZMUR 61:5

Bakasmo da aku sidu-sidutu' jojoongmo i kema' nu Belento, da madi'mo ko anu mompoposia i uno nu polipik nu Belento,

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

ANU MOMPOLELE POTATAE NU TUMPU 5:4

Sahanyo boli balajanji' de madi' otepati na palajanjian aijo'.

YESAYA 58:9

De belemiu balado'a, ku talimaje. De belemiu momoita hi beleng-Ku, Ku taamije. Boli daagi' monsansala sangko sangalu nu belemiu, bolimo obau na mo'uwali ka' mongalu.

YEREMIA 29:12

Sahingga belemiu momoitamo mae tulung hi beleng-Ku. Belemiu tokamo mae balado'a hi beleng-Ku ka' Ku taamimo na do'a nu belemiu.

YUNUS 2:9

Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

PO'ULE' INGULIT 23:21

De belemiu nonjanji'mo apa-apaa anu obee' hi Tumpu Allah nu belemiu, boli ola saja' konutuko uukaje mae na obee' apaa na anu jinanji'mo aijo', kalana Tumpu Allah nu belemiu saja' sabole-bole momoita, ka' belemiu baladosa'mo de madi' mombee'.