AYUB 22:22 - KITAB NU TUMPU ALLA LELE MA'IMAI'

²² Talimamo apaa na anu pinokinde'akonmo nu Tumpu hi beleyum; boli okolilimi na aijo' iwi-iwi' i uno nu kinyonyoa nu beleyum.

AYUB 22:22 ပူးပေါင်းရင်းမြစ်များ

2 TAWARIKH 33:13

Tumpu Allah nohongomo do'a i Manasye ka' po'ule'mo nonsule'akon ia namba i Yerusalem da po'ule' mule' mompalentah. Kalana apaa na anu jinadimo hi Manasye aijo' sahingga ia pinalesayamo hondo-hondo tukoonyo taalu' memang Tumpu aijo'mo na Tumpu Allah.

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

AYUB 6:10

Hi belengku han anu susumo aijo' timbalimo salaku bau pomposanang kinyonyoa; ka' mule' aku ola mompaka pinsesengko' maumo aku i uno nu kasansala'an. Sinin na palentah nu Tumpu Allah Anu Talalo hondo susi', tinulutankumo totu-totu'u ka' saja'mo binaungku.

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

AMSAL 4:21

Boli o'alin na aijo', panyo saja' opo'una' na aijo' i uno nu kinyonyoa nu beleyum.

AMSAL 4:4

aku pinogulu'mo nu tuumangku. Ia notatae, “O'inau' na to poki-pokinde'ku, boli hondo-hondo okolilimi nu beleyum. Sabole-bole obau apaa na anu pinotiju'kumo, da mohumpak ka'ima'an na kantumuu'an nu beleyum.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

YEHEZKIEL 3:10

Lapas aijo' Tumpu notatae mule', “O, manusia anu madi' tumuu' batu, palahatikan ima-ima' ka' o, inau' pa apaa na anu Ku poto'i hi beleyum.

MATIUS 12:35

Mian anu ma'ima' montaloakon hahan anu ma'ima' kalana ia buke' nu ka'ima'an. Sumo aitumo na mian anu ma'idek montaloakon hahan anu ma'idek, kalana buke' nu ka'idekan.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

LUKAS 2:19

Panyo i Maria nonguna' sisik iwi-iwi' aijo' i kinyonyoanyo ka' lewa' nompotutugakon.

LUKAS 2:51

Lapas aijo' i Yesus nambamo hingga-hinggat ka' aha ninsusule' nokiijo' i Nazaret, ka' nohongo-hongomo aha. Iwi-iwi' aijo' pino'una' nu tina-Nyo i uno nu kinyonyoanyo.