AYUB 22:21 - KITAB NU TUMPU ALLA LELE MA'IMAI'

²¹ Jadi, O Ayub pompaha damemo tiba Tumpu, da bolimo saja' mangada' na kinyonyoa nu beleyum, De nubaumo nu beleyum sumo aijo', mohumpakmo ka'untungan na beleyum.

AYUB 22:21 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 34:10

Oholomati na Tumpu, o belemiu mian anu palesayamo hi Ia, kalana mian anu tulu-tulutan na madi' ahi' kakulangan.

YESAYA 27:5

Panyo de aha anu monsampobali' mian anu palesayamo hi beleng-Ku molio da Ku jagai na aha, sahanyo aha baladamemo tiba Aku, sampamo, baladame tiba Aku.”

MATIUS 5:25

De daagi' ko mian anu mongkalaak komiu hi Mian Kopian, baladame pe'e tiba ia de daagi' ko tempo' da ma'isa pe'e toka hi Mian Kopian. De madi', mian aijo' mombee'mo komiu hi Mian Kopian, anu mombee'je mule' komiu hi Pulisi. Lantas Pulisi momposoopmo komiu i talungku'.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.