AYUB 22:13 - KITAB NU TUMPU ALLA LELE MA'IMAI'

¹³ Panyo pinokilawa nu beleyum, “Te ia apaa naanu pisumbu-sumbu'? Ia kiita' mae i sambiha' nu kundom jadi madi' ahi' moko ala mongulus palakalanto.”

AYUB 22:13 ပူးပေါင်းရင်းမြစ်များ

AYUB 34:22

Madi' ko anu pintung, maumo ahi' pikat taha-tahahumo, anu timbali moko ala momposuluk miana nu baladosa'.

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

MAZMUR 139:11

De ku poita da pintung mongkukumbungi aku, ka' jingka anu titiikup hi belengku malomo,

MAZMUR 139:7

Moya na aku mamba da madi' nukona nu kuasa nu Belento? Moya na popalaianku da majo'on i ahop nu Belento?

MAZMUR 59:7

De malomo aha minsusule'mo, mohu'akonmo mae susumo dedeng ka' montikubimo mae kota.

MAZMUR 64:5

I tampat paninsulukan nu aha, nubebakonmo mae nu aha na sisi-sisik anu madi' totu'u, aha madi' mabuhuk na lewa' mompobau-bau mian anu madi' ko sala'nyo.

MAZMUR 73:11

Aha notatae, “Tumpu madi' monsumbu', Anu Matangkas na Kuasanyo madi' mangalati'”

YESAYA 29:15

Silakamo na mian anu bala'usaha momposuluk tanga'annyo anu nolengkat mae hi Tumpu! Aha balabuat aijo' hoko-hokot ka' monsangka tukoonyo madi' ko samian anu montoa kabai monsumbu' apaa na anu binaumo nu aha.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEHEZKIEL 8:12

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu binaumo nu to pola-polaya' nu Israel pohowini nu aha na mombau aijo'? Aha monsombah i unonyo aijo' kalana koonyo nu aha Aku nompala'imo lipu' aiya, ka' madi' mule' montoa palabuatan nu aha.”

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

AMOS 9:2

Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.

AMOS 9:3

De aha matisuluk i Bungkut nu Karmel, Ku lio na aha ka' Ku hakop. De aha matisuluk i apan nu ambai, Ku palentahje na tomundo nu ulo anu i ambai da mombutu' aha.

ZEFANYA 1:12

Tempo'nyo aitu Aku mongalamo potong ka' mompalesa ka' molio apa-apaa kiijo' i kota' Yerusalem. Ku hukumo na mian anu jojoong ikiijo' ka' anu madi' montapali ka' anu ola mosi pa'osa nu butongnyo ka' anu bapikin tukoonyo Aku, Tumpu anu madi' toho' mombau sumo aiya kabai sumo aijo'.