AYUB 21:25 - KITAB NU TUMPU ALLA LELE MA'IMAI'

²⁵ Panyo daagi' mule' ahi' ko anu silaka sinansala hondo, madi' toho' nongoa'i kasanangan.

AYUB 21:25 ပူးပေါင်းရင်းမြစ်များ

2 SAMUEL 17:8

Belento Mian Daka' tantu monsumbu'mo i Daud tiba to sulu-suludadunyo baani hondo na mahampate. Ko baaninyo nu aha sumomo ahi' tinanyo nu beruang anu nolapusmo na anaknyo. Ka' mule' i Daud anu saja'mo nahampate, jadi ia pinandemo ahi' na mahampate, madi'mo toho' hoyot maninggalum tiba to sulu-suludadunyo.

1 TOMU-TOMUNDO' 17:12

Tinaaman nu balu aijo', “Jumo nu sanggo nu Tumpu anu tumuu', Tumpu Allah anu osombah nu belento Tuuma, aku basumpa', totu-totu'u aku madi'mo ko roti. Ola labu nu tiligu na daagi' hi belengku, me sangkakup kiijo' i mangko'. Ka' lanya' nu Zaitun sangkiding kiijo' i boton. Aku aiya mongala kau' anu oposun bau pongunjang tiligu anu me ise-ise' kiijo', da okaan nu kami moto anak. Me aijo' na anu okaan mami, madi'mo ko anu okaan sangga'at; lapas aijo' kami montanda'imo silaka.”

AYUB 10:1

Na'osamo na aku ka' monguahimo na ku oa'i montutugi kantumuu'anku, sahingga ku taloakonmo iwi-iwi' na kasansala'an nu kinyonyoangku.

AYUB 20:23

Salatan ia tinasiagamo mongisi kompongnyo, tinambuha'anmo hondo nu Tumpu Allah na ia ka' i hukum-Nyomo.

AYUB 21:26

Panyo i uno nu pinolamunan, aha pokakana bubu' pinomale'; ka' nukampuhimo nu ias.

AYUB 3:20

Kadaka' manusia opojohokmo da saja' tumuu' sansala? Kadaka' jingka obee'mo hi mian anu susa'?

AYUB 7:11

Kalana aijo' aku madi'mo ola momohokot! Kasusa'an nu kinyonyoangku ka' kasansalanku madi'mo ku poko ala opohowini. Tionyo ahi' ku sisikmo, ka' ku lubatakonmo na isi nu kinyonyoangku.

AYUB 9:18

Madi'mo pinobee'-Nyo na aku ningkinyonyoa maumo ola sangkinihap, ka' mule' pinaka tuangan-Nyomo na aku nu kasansala'an anu talalomo hondo.

AMSAL 14:10

Lame' kabai susa' kiijo' una-una' i uno nu kinyonyoanyo; panyo mian sangga'at madi' moko ala mongoa'i.

ANU MOMPOLELE POTATAE NU TUMPU 6:2

Toto minsan Tumpu mombee'i kakaya'an, kaholomatan, halata' hi toto samian sahingga madi'mo daagi ko anu nu kamilui. Panyo Tumpu madi' mompobee'ia da mongoa'i iwi-iwi' anu bi nee'mo aijo'. Padahan mian anu madi' Nusumbu' na mongoa'i ahi' kakaya'an aijo'. Jadi iwi-iwi' aijo' madi' ko gunanyo ka' monsusa'i kinyonyoa.

YEHEZKIEL 12:18

“O, manusia anu madi' tumuu' batu, langkakatanmo de beleyum hau-haunyomo mongkaan, ka' langkakatanmo kalana mabuhukmo hau-haunyo beleyum monginumo.