AYUB 20:5 - KITAB NU TUMPU ALLA LELE MA'IMAI'

⁵ kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

AYUB 20:5 ပူးပေါင်းရင်းမြစ်များ

2 SAMUEL 18:14

“Angganmo! Madi'mo ko tempo, ola kalana moto-moto taaman tiba beleyum,” na koonyo i Yoab. Lantas i Yoab nongalamo totolu' na talombo' ka' binunu'akonnyomo hi saha'an i Absalom anu tempo'nyo aitu daagi tutuu' aijo' kala-kalayo' i kau'.

2 SAMUEL 18:15

Ka' mule' aha sampulu' na suludadu i Yoab nompahambunu' akonmo ka' nompateimo ia.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

AYUB 21:28

Belemiu mompokilawa, “Iya mae na laigan nu anu balakuasa anu mombau kalakuan anu palaganta?”

AYUB 27:8

Te daagi' mule' ko anu nutaha'imani nu mian anu ma'idek na kinyonyoanyo, de tokamo na tempo'nyo Tumpu Allah mongalamo nyawanyo?

AYUB 34:30

Jadi iwi-iwi' na bansa madi' moko ala montewa' kakuasa'an i han anu ma'idek ka' talalomo hondo monsansalai.

AYUB 5:3

Toho'mo tinoangku na mian ponga'; kantumuu'annyo otoa sukupmo hondo; panyo monti-montiik tinotobi'akonkumo na kajojoongannyo.

AYUB 8:19

Sumo aitumo, na kasanangan nu mian anu kinyonyoanyo ma'idek olamo sumo aijo'; mian sangga'at na toka ka' mombolosakon ia.

MAZMUR 37:10

Mian anu ma'idek na kinyonyoanyo na sampa magalis de maluanyo olio, ia madi'mo daagi'.

MAZMUR 94:3

O, Tumpu sampe toka hipian na kopinnyo, na mian anu ma'idek na kinyonyoanyo mongoa'i lame'? Sampe toka hipian na kopinnyo, O, Tumpu?

MAZMUR 94:4

Aha lewa' montaloakon potatae anu ma'idek, ka' lewa' mongkabubulakon palabuatan ma'idek anu binaumo nu aha.

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

GALATIA 6:4

Batu-batu mian mosi palesa ahi' butongnyo pa' kalakuannyo ma'ima' kabai madi'. De ma'ima', ia timbali mongoa'i sanang i han aijo'. Panyo madi' timbali ia mompokakanakon tiba apaa na anu nubau nu mian sangga'at.

YAKOBUS 4:16

Panyo uuka aiya komiu ko tige-tige ka' buulon. Iwi-iwi' anu okabubuulakon sumo aijo' sala'.