AYUB 20:27 - KITAB NU TUMPU ALLA LELE MA'IMAI'

²⁷ Langit nompotoamo kalakuannyo anu ma'i-ma'idek aijo'; tano' nobungkutmo nongewa ia.

AYUB 20:27 ပူးပေါင်းရင်းမြစ်များ

AYUB 16:18

O dunia, boli oposuluk na apa-apaa anu ma'idek anu opokona hi belengku; boli ola ohokotakon na aku moloboo' momoita tulung da obee'i mae ahi' ka'adilan.

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

YEREMIA 29:23

Sumo aijo'mo na uki' nu aha kalana nombaumo dosa' toto daka-daka' hi aha Israel: aha nasala'mo, ka' nompakemo sanggo nu Tumpu na monsisik hahan anu madi' totu'u. Han aijo' madi' sosok tiba tanga'an nu Tumpu. Nu sumbu' apaa na anu nu bau nu aha, ka' posi iamo ahi' na jadi sakisi mongewa aha. Tumpu notataemo.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

PO'ULE' INGULIT 31:28

Uuka aiya pokaumo mae na polaya' nu aha bansa Israel iwi-iwi' ka' to kapa-kapala nu suludadu sihuk mae i ahopku da ku potokamo na hahan aiya hi aha. Langit ka' tano' na ku laga salaku monsakisi aha.