AYUB 20:19 - KITAB NU TUMPU ALLA LELE MA'IMAI'

¹⁹ Kalana ia lewa'mo nonsakisa mian ka' nomopsusa'mo mian anu kasiasi; ia lewa'mo nongagoi laigan nu mian anu misa' ia na nombau.

AYUB 20:19 ပူးပေါင်းရင်းမြစ်များ

1 TOMU-TOMUNDO' 21:19

ka' poto'i hi ia tukoong-Ku, Aku Tumpu mompoto'imo sumo uuka, 'Nompateimo, nongagoi mule'! Kalana aijo' baso' nu beleyum nu jila'imo nu dedeng i tampat pinonjila'ian nu dedeng baso' i Nabot!’ ”

AYUB 18:15

Uuka aiya maumo pa' ihe timbalimo monjojoongi kemahnyo, ka' i kiijo' kinakambuhakonmo na belelang, da bau pompatei somoyu nu panyakitnyo.

AYUB 22:6

De utus nu beleyum madi'mo moko ala mombayan samaya'nyo, nu agoimo nu beleyum na baju'nyo iwi-iwi'.

AYUB 35:9

To mia-mian anu pinosansalamo, motambuha'mo; aha noloboo'mo momoita da otulungi.

MAZMUR 10:18

Anak anu madi'mo ko tuumanyo ka' tinanyo ka' mian anu binee'anmo kasansala'an, ti ninjohanmo nu Belento na palakalanyo, da madi'mo ko mian anu sola' monggala-gala aha.

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

MOHAANGI 3:34

De butongto madi'mo sanang i uno nu talungku',

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MIKHA 2:9

To bou-boune anu hi aha mian-Ku anu palesayamo i laa'mo nu belemiu da belemiu jojoongmo i laigan nu nu kalibosi nu aha, ka' belemiu nongagoi aijo' madi'mo daagi' osule'akon sampe toka sidu-sidutu' padahan aijo' anu binee'-Kumo salaku balakat hi to ana-anak nu aha.

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.