AYUB 2:8 - KITAB NU TUMPU ALLA LELE MA'IMAI'

⁸ Lantas i Ayub sinumuhangmo koko tambulan nu duhehe ka' nongalamo kubeng nu lean bau lewa' pongkahutnyo butongnyo.

AYUB 2:8 ပူးပေါင်းရင်းမြစ်များ

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

ESTER 4:1

Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

ESTER 4:3

Ka' suele i songko-songko na propinsi, to mia-mian nu Yahudi sinusa'mo ka' lewa'mo i humang salatan ihongomo nu aha na anu binebakonmo i tomundo. Aha binapuasa'mo lewa'mo i humang ka' notusa'mo, ka' mule' manjoo'na aha nompusokmo hude kalung ka' lewa'mo nale' i abu'.

AYUB 2:9

Bengkele'nyo notataemo hi ia, “Te daagi' mule' totobo' na beleyum sabole-bole montuluti Tumpu Allah? Donganmo o, totobi'akon na la, lantas mangkongmo!”

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 38:5

Aku nolomosmo i uno nu iaba' kasala'anku, dosa'ku talalomo ahi' nompiboati mae aku.

MAZMUR 38:7

Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 6:26

Tumpu notataemo hi mian anu palesayamo hi Ia, “Pusokmo na hude kalung ka' pingkaliade'mo i uno nu abu'. Oa'imo na kasusa'an ka' hangimo tala-talalo susa' susumo mian mohangi kalana ko anumo sinilaka na anaknyo anu tumpenyo, kalana anu mompatei montumbuhimo mae belemiu nu potolokengkeng mae.”

YEHEZKIEL 27:30

Aha nohangimo uki' nu beleyum nososonmo ka' ihumangmo kalana nolibosmo. Aha nongkakambuhakonmo abu' i ubak nu aha ka' nale'mo i abu' salaku tanda ko anumo sinilaka.

YUNUS 3:6

Salatan tomundo' nu Ninewe nohongomo lele aijo' ia balomo tinuminjo ingukatnyomo na juba' nu kalaja'annyo ka' nompusokmo hude kalung ka' sinumuhangmo na ia i abu'.

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.