AYUB 2:12 - KITAB NU TUMPU ALLA LELE MA'IMAI'

¹² Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

AYUB 2:12 ပူးပေါင်းရင်းမြစ်များ

KAJADIAN 27:34

Salatan i Esau nohongomo aijo', ia i humangmo daka-daka' ka' talalomo hondo nolibos, lantas ia notataemo, “Balakatiakon mae na aku suele, o Tuumangku.”

2 SAMUEL 13:36

Sala'je ilapas na ia notatae, ninsoopmo mae na to ana-anak mo'ane i Daud i unonyo. Aha aijo' i humaangmo, i Daud tiba to posa-posaihonnyo suele sinusa'mo hondo ka' suele i humaangmo.

EZRA 9:3

Nohongo aijo', aku nompele-pele'mo hondo sahingga binea-beakumo na baju'ku ka' binubutankumo na ubaku ka' jangkutku lantas sinumuhangmo panyo kinyonyoangku talalomo ina'idekan.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

ESTER 4:1

Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

AYUB 19:14

Aha anu sa'anakan mae tiba aku iwi-iwi' madi'mo mongohani mae; to sanga-sangalungku madi'mo mae monginau' aku.

MOHAANGI 2:10

Aha to tu'a-tu'anyo nu kota' momo'mo suha-suhang i tano'; aha nongkakambuhakonmo abu' aita i ubak nu aha, ka' nompakemo hude kalung salaku tanda sinusa'mo Tolalangkoyang nompodukumo ahi' suele ubak nu aha toka-toka i tano'.

YEHEZKIEL 27:30

Aha nohangimo uki' nu beleyum nososonmo ka' ihumangmo kalana nolibosmo. Aha nongkakambuhakonmo abu' i ubak nu aha ka' nale'mo i abu' salaku tanda ko anumo sinilaka.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

ANU PINOTO'I HI YOHANES 18:19

Sahingga aha nongkakambuhakonmo abu' i ubak nu aha salaku tanda lewa'mo mongoa'i kasusa'an, lantas i humaang ka' lewa'mo noloboo', “Ibeh, palias na kota anu daka' hondo aiya i na'idekmo! Kakaya'annyo nonsaduakonmo iwi-iwi' na mian anu daagi' ko kapan i ambai kinayamo! Panyo ola i uno nu sajam, iwi-iwi' na anu daagi' hi ia madi'mo daagi'!”

TO MIA-MIAN KOPIAN 2:4

Salatan malaekat aijo' noko poto'imo lele aijo', iwi-iwi' na bansa Israel nolotando'mo na i humang.

1 SAMUEL 11:4

Sumo aijo' na to mia-mian anu sinai tinoka i Gibea kajojoongan i Saul. Salatan pinotokamo nu aha na lele aijo', ihumangmo na aha mian da'isan kalana madi'mo nu poko ala nu aha.

1 SAMUEL 4:12

Samian na tulunan mae nu bansa Benyamin anu nahampate nopadeka'mo namba i Silo ka' sinaamo aijo' na ia tinoka ikiijo'. Salaku tanda ko anumo sinilaka binea-beaknyomo na baju'nyo ka' pino anuannyomo tano' na ubaknyo.