AYUB 19:5 - KITAB NU TUMPU ALLA LELE MA'IMAI'

⁵ Otutugi nu belemiu, belemiumo na lebe ma'ima' molingkudui aku; kasusa'anku osangkamo nu belemiu aijo'mo na bukuti'nyo aku sinala'mo.

AYUB 19:5 ပူးပေါင်းရင်းမြစ်များ

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

AYUB 19:4

De bisuannyo sala' na anu ku bau aiya, aijo' madi' mompolugi' belemiu.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 38:16

Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

MAZMUR 41:11

Kalibosi mae na aku o Tumpu, po alinakon mae na aku, da timbali ku balosakon na palabuatan ma'i-ma'idek nu aha sampobali'ku.

MAZMUR 55:12

Iyaya mae daagi' ko anu sinilakanmo; anu nonsansalamo mian ka' anu nongakalimo mian, saja' mo jinadi i pasan tampat anu lewa' pompobalukan apa-apaa.

MAZMUR 55:13

De maluannyo anu monsampobali' mae aku na mongalu mae aku, daagi' timbali ku intimakon. De maluannyo anu mongewa mae aku na mompobau-bau mae aku, daagi' timbali aku naninsuluk da madi' ia montoa mae.

YESAYA 4:1

Tempo'nyo aijo' aha popitu' na to bou-boune montoongimo samian na mo'ane ka' notatae, “Pobee' mae na kami da mongakuimo beleyum salaku langkai'mo mami, da kami madi' ma'ambang kalana madi' no'osoa. Anu okaan tiba pakean mami oposi tanggungje mami.”

MIKHA 7:8

Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

ZEFANYA 2:10

Sumo aijo' na mian anu jojoong ikiijo' i Moab tiba kiijo' i Amon saidi' mae ohukumo kalana katakabuulan nu aha ka' mule' kalana aha nongalumo mian anu pinalesayamo hi Tumpu Anu Daka' na kuasanyo.

ZAKHARIA 12:7

Aku, Tumpu na momona mombee'i ka untungan mahampate hi aha to sulu-suludadu nu Yehuda, da kaholomatan anu tinalimamo nu lee' i Daud ka' mule' mian anu jojoong i Yerusalem madi' molingkudui kaholomatan anu titinalimamo nu mian sangga'at anu jojoong i Yehuda.

LUKAS 1:25

Notatae na ia, “Ahennyo Tumpu nontulungi aku, ka' nohapusakon ka'ambanganku.”

YOHANES 9:2

Anu saja' mombatuki Yesus nompokilawamo hi Yesus, “Kita Tuumangku Gulu', kadaka' na mian aiya i hampeakon mapisok? Ugaat kalana ia na baladosa' kabai kalana tina tuumanyo na baladosa'?”

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

1 SAMUEL 1:6

I Hana kinyonyoanyo saja' nusakiti i Penina ka' nu popo ambang, kalana ia lengke' ka' mule' Tumpu madi' nombee'i ia anak.