AYUB 19:26 - KITAB NU TUMPU ALLA LELE MA'IMAI'

²⁶ Maumo kilitku kahomo bela ka' nobehe-behe'mo, panyo de daagi' ko butongku, Tumpu Allah saja' ku tonto'i.

AYUB 19:26 ပူးပေါင်းရင်းမြစ်များ

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 16:9

Kalana aitu kinyonyoangku i lame'mo ka' santuu'ku nontaligalaimo, ka' butongku ningkainmo madi'mo ko anu nompoposia.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

1 KORINTUS 15:53

Butongto anu timbali silaka aiya tionyo ahi' obali'imo nu butong anu madi' silaka, ka' butong anu lengkat i dunia aiya tionyo ahi' obolosimo nu butong anu lengkat mae i suluga'.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!