AYUB 19:14 - KITAB NU TUMPU ALLA LELE MA'IMAI'

¹⁴ Aha anu sa'anakan mae tiba aku iwi-iwi' madi'mo mongohani mae; to sanga-sangalungku madi'mo mae monginau' aku.

AYUB 19:14 ပူးပေါင်းရင်းမြစ်များ

KAJADIAN 40:23

Panyo anu mongkalesang inumon aijo' madi'mo nonginau' i Yusuf, kinolilimannyomo totu-totu'u na ia.

2 SAMUEL 16:23

Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

AYUB 19:15

Posaihonku boune kinoliliman-Nyomo na aku, tuan nu aha; sinangkanyo na aku, te mian anu ma'isa sinumbu'nyo.

AYUB 19:19

To sanga-sangalungku anu mompahakona hondo aku, mongkahegatimo na montoa mae aku; aku pinala'ianmo nu aha anu kuku kalibosi.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

MAZMUR 31:12

Aku ihakopmo ka' binoamo nu aha iwi-iwi' anu monsampobali' mae aku, pakalaus mule' ahi' hi aha anu mompaha ohani na laigan tiba aku. Iwi-iwi' na anu mompahasumbu' tiba aku tinolokengkengmo na montoa aku, aha mopalaimo de singkabot tiba aku ijalan.

MAZMUR 38:11

Sulengku nangada'mo kahosonanku imadi'anmo matangku montoa me opiha-pihau'.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’