AYUB 19:13 - KITAB NU TUMPU ALLA LELE MA'IMAI'

¹³ To utu-utusku pinojo'on-Nyomo hi belengku; iwi-iwi' na mian anu mompahasumbu' tiba aku madi'mo monsumbu' aku, aha montoa mae aku sumomo mian anu i salipu'an.

AYUB 19:13 ပူးပေါင်းရင်းမြစ်များ

AYUB 16:20

Aku lewa' ingalu nu to sanga-sangalungku ka' kinokojoan; aku i humang na nangadap hi Tumpu Allah nomoita tulung.

AYUB 16:7

Binaumo nu Tumpu Allah na aku aiya sahingga tinadokmo; iwi-iwi' na mian anu i laiganku sinilakanmo.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

AYUB 6:15

Panyo belemiu to sanga-sangalungku, madi'mo opalesaya ka' otaha'imani. Belemiu sumomo kaunyo anu no'otimo na ueenyo, de ujan madi'mo toho' tudun mae.

AYUB 6:20

Panyo anu ingima-imanan nu aha pinalasuma i biwi nu kaunyo anu madi' ko ueenyo.

MAZMUR 31:11

Kantumuu'anku ningkotmo nu kasansala'an taun-taun anu aku tinumuu'mo pinala'ianmo tempo'nyo aitu lasaja' sinusa' ka' sinansala. Hosonku naga'amo kalana palabuatanku ma'i-ma'idek pakalaus mule' iwi-iwi na bukungku nahu'mo.

MAZMUR 31:12

Aku ihakopmo ka' binoamo nu aha iwi-iwi' anu monsampobali' mae aku, pakalaus mule' ahi' hi aha anu mompaha ohani na laigan tiba aku. Iwi-iwi' na anu mompahasumbu' tiba aku tinolokengkengmo na montoa aku, aha mopalaimo de singkabot tiba aku ijalan.

MAZMUR 38:11

Sulengku nangada'mo kahosonanku imadi'anmo matangku montoa me opiha-pihau'.

MAZMUR 38:12

To sanga-sangalungku madi'mo mae ko anu mongohanii kalana panyakitku, pakalaus to julu-julungku mae nompolilitmo mae aku.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

MAZMUR 69:8

Kalana Belento sahingga aku pinopo'ambangmo kalana Belento sahingga aku lewa'mo ingalu.

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

MAZMUR 88:18

Sansina-sinaa tambuha' nu Belento sumomo iaba' anu nontikumo mae aku nontumbuhimo mae aku lengkat mae iwi-iwi na tampat.

MAZMUR 88:8

Tambuha' nu Belento na nompaka piboatimo aku nokaiyong aku nahutemo kalana ingutunanmo nu tambuha' nu Belento.

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

2 TIMOTIUS 4:16

Tempo'nyo aku momona nontutuhakonmo mosia na kahondoanku aiya, madi' ko samian pe'e na anu nonsangalui aku; iwi-iwi' nompala'imo aku. Bisa-bisa' Tumpu madi' mompisala'i aha i uno nu han aiya!