AYUB 18:21 - KITAB NU TUMPU ALLA LELE MA'IMAI'

²¹ Sumo aijo'mo na uki'nyo nu mian anu palaganta, aha anu madi' mompajuli Tumpu Allah.”

AYUB 18:21 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

AYUB 19:1

Panyo tinaaman i Ayub, “Kadaka' aku saja'mo opisala'i nu belemiu, ka' osakisamo nu belemiu na aku nu potatae?

AYUB 20:29

Aijo'mo na uki' nu mian anu madi' mompajuli Tumpu Allah, uki' anu tinantukanmo nu Tumpu Allah hi ia.”

AYUB 21:14

Padahan notataemo na aha hi Tumpu Allah, “Pala'imo na kami ka' bolimo mae mati ohani! Kami madi'mo mongka'ima'i da monsumbu' kahanda' ka' pongka'oho' nu Belento i uno nu kantumuu'an mami.”

AYUB 21:28

Belemiu mompokilawa, “Iya mae na laigan nu anu balakuasa anu mombau kalakuan anu palaganta?”

AYUB 4:21

Sahingga iningkotmo iwi-iwi' na anu daagi' hi ia; ia suele sinilakamo madi' mohumpak kapandean apa-apaa.

MAZMUR 79:6

Baumo totu-totu'u, na Belento motambuha' hi to bansa-bansa anu madi' monsumbu'i Belento ka' hi aha to kala-kalaja'an anu madi' monsombah Belento.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TO MIA-MIAN KOPIAN 2:10

Lapas aijo' iwi-iwi' na aha salapisan aijo' sinilakamo ahi'. Ka' aha anu i salapisannyo mule' mae madi'mo monsumbu' Tumpu. Kalana aha madi'mo nontoa ka' nongoa'i apaa na anu binaumo nu Tumpu hi bansa Israel.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.