AYUB 18:11 - KITAB NU TUMPU ALLA LELE MA'IMAI'

¹¹ Mian anu ma'idek na kinyonyoanyo pinotolokengkengmo nu anu okabuhuk hondo anu nolengkat mae iyaya; anu okabuhuk me saja' mombatuki ia maumo moyamo na molangkasakon tengke.

AYUB 18:11 ပူးပေါင်းရင်းမြစ်များ

AYUB 15:21

Onyi' anu okabuhuk hondo momposiingmo bihingnyo; de madi'mo ko anu lewa' o'inau' na apa-apaa an mompopobuhuk, tololang tokamo mae montongkali.

AYUB 18:10

Pinosuluk, i tano' na kahohon nu talong; i jalan, pinokonamo na bau pompagala, ka' pohakop.

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

AYUB 20:25

Ia kinonamo nu pana', sahingga binelaonmo; mata nu pana' anu joliotan nolampasmo butongnyo, sahingga nabuhukmo na kinyonyoanyo.

AYUB 20:8

Ia madi'mo otoa-toa susumo anu ola ingipi, madi'mo otoa-toa susumo anu pinihimo.

AYUB 22:10

Kalana aijo' beleyum tinikubanmo nu kasusa'an sumomo so'o anu kahanda'mo monsilakai beleyum, sahingga monti-montiik kinyonyoa nu beleyum nabuhukmo.

AYUB 27:20

Nutuda'imo mae nu balaa' anu okabuhuk hondo susumo iyaba' anu talalo hondo daka' monti-montiik tinobuntunmo mae. Antong daka' anu tinoka mae tonga-tonga' pahu nontilahabakonmo ka' nomboamo ia.

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

MAZMUR 73:19

Ola sinangkinihap aha sinilakamo talalo ahi' okabuhuk na kina'ahenannyo nu aha,

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

YEREMIA 46:5

Panyo Aku, Tumpu nontoamo aha ninsusule'mo mae kalana nabuhukmo. To sulu-suludadu nu aha pinatundu'mo mae ka' nopalaimo mae kalana nabuhukmo madi'mo daagi' nonsiloi hiku.

YEREMIA 49:29

Agoimo na potuu'on domba, unta tiba kemah nu aha haha aijo' tibamo isinyo iwi-iwi', ka' loboo'akon hi aha, ‘Kasilaka'an nontikubimo belemiu!’

YEREMIA 6:25

Aha madi'mo baani mamba ijalan kabai mamba i ale' kalana iyaya mae sampobali' anu ko toongon bau pahampate nombaumo palabuatan anu buhingison.

DANIEL 5:9

I Tomundo' Belsyazar nompaka pabuhukmo ka' mule' inesemo hondo! Ka' suele anu to tangka-tangkas na pangkatnyo binangangmo hondo.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

1 SAMUEL 28:5

Salatan i Saul nontoamo suludadu nu aha Filistin aijo' ia nabuhukmo hondo.