AYUB 17:9 - KITAB NU TUMPU ALLA LELE MA'IMAI'

⁹ Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

AYUB 17:9 ပူးပေါင်းရင်းမြစ်များ

KAJADIAN 20:5

Posi i Abraham na nontaloakon tukoonyo boune aijo' utusku ise', ka' boune aijo' suele notatae sumo aijo'. Ma'ima' hondo na kinyonyoangku nolakukanmo han aijo', jadi aku madi' ko sala'nyo.”

2 SAMUEL 3:1

Anu monsangaja'i aha sampoto utusan mae i Saul tiba anu monsangaja'i aha sampoto utusan mae i Daud saja'mo nahampate. I Daud nompaka pahosonmo panyo aha sampo bali'nyo madi'mo kinokahosonan.

AYUB 22:30

Nutulungi nu Tumpu na beleyum de beleyum madi'mo ko kasala'an, ka' de beleyum mombau apaa na anu nuka'ima'i nu Tumpu.”

AYUB 27:5

Jadi, madi'mo aku mongka'oho' montaloakon tukoongku belemiu totu'u, sampe aku silaka sabole-bole ku akui na aku aiya memang susi'.

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 31:7

De bisuannyo aku noselemo, madi'mo nontulu i jalan anu totu'u, kabai kinyonyoangku nongka'ima'imo han anu mahumimi', de limangku kino nodanyomo nu dosa'

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

MAZMUR 11:3

De atulan nu mian da'isan madi' talakana' mian anu ma'ima' na kinyonyoanyo madi' moko ala mombau apa-apaa.”

MAZMUR 24:4

Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

MAZMUR 26:6

Ku baso'i na limangku salaku bau pontandai madi' kokasala'an, ka' lumajang montikubi mezbah nu Belento, o Tumpu,

MAZMUR 73:13

Ola palansuma' na aku monjagai kinyonyoangku da belesi'; madi' kogunanyo na aku mompimpali dosa'.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 84:7

Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

MAZMUR 84:8

Kahosonan nu aha nompaka pintuangmo, tempo'nyo ilumajang namba i Sion, i tampat nu Tumpu iwi-iwi' na anu oholomati nanintoamo mae.

AMSAL 10:25

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.

AMSAL 10:30

Mian anu madi' tageo' na kinyonyoanyo kantumuu'annyo madi' ko anu mompoposia ka' mule' mohumpak ka'ima'an; panyo mian anu ma'idek na kinyonyoanyo madi' jojoong i tano' pusaka'.

AMSAL 14:16

Mian anu manonong saja' balajaga-jaga ka' mati kojo'on ipalabuatan anu ma'idek; panyo mian anu ponga' pusing na ubaknyo lapas mae sanangje na kinyonyoanyo.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

MARKUS 7:2

Aha nontoa to pia-piangkuka na anu saja' mombatuki Yesus mongkaan nu lima anu madi' belesi' susumo koonyo nu agama, aijo'mo de ma'isa pe'e obaso'i na lima susumo koonyo nu atulan nu agama.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.