AYUB 17:5 - KITAB NU TUMPU ALLA LELE MA'IMAI'

⁵ Susumo koonyo nu kantuang, ihe na mongkalak sangalu kalana molio ka'untungan, to ana-anaknyo saidi' mae na mohumpak balosnyo.

AYUB 17:5 ပူးပေါင်းရင်းမြစ်များ

1 TOMU-TOMUNDO' 11:12

Maumo sumo aijo', panyo kalana monginau' tuuma nu beleyum i Daud, madi' ahi' Ku bau na aijo' de daagi' beleyum tutuu'. Tokaje i tempo'nyo anakje nu beleyum momo'ane na mompalentah atina'je ka' Ku bau na aijo'.

AYUB 11:20

Panyo mian anu ma'idek na kalakuannyo montoa ia masakit na ubaknyo, kalana hi aha madi' ko anu montulungi. Me sa'a-sa'angu'nyo na anu nutaha'imani nu aha aijo'mo da ukun sampamo mae toka.”

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

AMSAL 20:19

Mian anu sanang lewa' monsisik mian sangga'at, madi' moko ala monguna' lahasia; boli mogandi-gandi tiba mian anu ola' manjoo na potatae.

AMSAL 29:5

Ihe na mompuji sangko sangalunyo, nompokonamo so'o hi butongnyo.

MOHAANGI 4:17

Mata mami nontoamo, montanda'imo bantuan anu madi' ko katokaannyo. Kami montaha'imanimo pontulungi mae nu sa'angu' na bansa, anu sabenannyo madi' moko ala mombee'i apa-apaa.

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

PO'ULE' INGULIT 28:65

Kiijo' mae hi bansa haha aijo' madi' mohumpak kasanangan nu kantumuu'an, ka' madi' ko tampat anu timbali osanggo anumo nu belemiu; Tumpu mompotimbalimo belemiu da hentemo hondo-hondo madi'mo ko anu otaha'imani.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!