AYUB 16:8 - KITAB NU TUMPU ALLA LELE MA'IMAI'

⁸ Ia madi'mo nompajuli aku ka' i hakop-Nyomo na aku. Uuka aiya nagesukmo hondo na butongku, ka' aijo'mo na bukuti'nyo da nusumbu' nu mian da'isan taalu' aku aiya binaladosa'mo.

AYUB 16:8 ပူးပေါင်းရင်းမြစ်များ

AYUB 10:17

Saja' nupotoka mae nu Belento na sakisi anu monggagakon aku; ka' mompaka pintuangmo na Belento pusa hi belengku. Nu pokau mae nu belento na to sulu-suludadu anu sangga'at mule' da montumbuhimo mae ka' mompahampateakonmo mae aku.

AYUB 17:7

Matangku pinahamo kalana lewa'mo i humang; songko-songko na butongku nagesukmo hondo.

AYUB 19:20

Butongku me kilit na kampi-kampit i buku; me ise-ise' aku sinilakamo ka' nyawangku nobotu'mo.

AYUB 33:21

Butongnyo nagesukmo hondo, bukunyo iwi-iwi' kinantoaanmo.

MAZMUR 106:15

Ia nombee'mo apaa na anu pinoitamo nu aha, panyo suele panyakit anu molele nongkonamo aha.

MAZMUR 109:24

Ike-ike'ku i langkakatanmo kalana binapuasa'mo, butongku talalomo hondo nagesuk.

YESAYA 10:16

Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

EFESUS 5:27

Tiba jalan anu sumo aijo' i Kristus mompotinjomo jama'at aijo' talasanggo ka' Susi' i ahop-Nyo, madi' ko ideknyo kabai anu kulang mau mule' apaa.

I RUT 1:21

Tempo'nyo aku nompala'imo aiya, iwi-iwi' daagi' hi belengku, panyo uuka aiya Tumpu nonsule'akonmo mae aku madi'mo ko apa-apaa me lima sampulu'. Mokonyo aijo' bolimo belemiu molaga aku i Na'omi, kalana Tumpu Anu Daka' na kuasanyo nohukumo aku manjoo' hondo na kasala'an!”