AYUB 16:10 - KITAB NU TUMPU ALLA LELE MA'IMAI'

¹⁰ To mia-mian lewa'mo nongkokojoi aku, nu nganga'akon nu aha daka-daka' na nganga' nu aha lewa' mongalu aku; aku ilibutanmo nu aha ka' i hapa'mo nu aha na gagisingku.

AYUB 16:10 ပူးပေါင်းရင်းမြစ်များ

1 TOMU-TOMUNDO' 22:24

Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

2 TAWARIKH 18:23

Sahingga nokiijo'mo na i Nabi Zedekia nongohanimo i Mikha nohapa' nganga'nyo ka' notatae, “Madi' minsoop i akan na Roh nu Tumpu mompala'i aku ka' notatae hi beleyum?”

AYUB 16:11

Binee'mo nu Tumpu Allah na aku hi mian anu palaganta; pinokongkomnyomo na aku hi mian anu madi' monsumbu' Tumpu Allah.

AYUB 30:12

Mian anu toto ide-idek na kinyonyoanyo haha aijo' nolambanimo mae aku i sasu ahopku ka' aku kinonamo nu balaa' aiya, memang i niatakonmo nu aha.

MAZMUR 22:13

Sumomo ahi' gombuan nu sapi', na sampobali' nohuntumo mae aku, sumomo ahi' sapi' ma'ela' anu lengkat i Basan na aha nontikumo mae aku.

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 3:7

Aku madi' mabuhuk maumo momada-madala' na anu mongewa mae anu montikumo mae aku lengkat mae iyaya.

MAZMUR 35:15

Panyo tempo'nyo aku sinusa'mo, aha sinanangmo ka' sinihukmo mae mongewa mae aku. Aha ilumajang naha ejokanmo mompoponyihing ka' mompobau-bau mae aku.

MAZMUR 35:21

Aha sola' moloboo' mae hi belengku ka' motatae koonyo nu aha, aha nontoamo palabuatanku.

MAZMUR 56:6

Sansina-sinaa na mian anu monsampobali' mae aku mongusahakon da madi'mo mingkona na pikilanku mompotutugakon apa-apaa, saja'mo aha bala'usaha monsilakai mae aku.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MOHAANGI 3:30

Maumo ohapa' ka' lewa' opobau-bau, iwi-iwi' aijo' otalimanto mo ahi'.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

MATIUS 26:67

Lantas aha nontupe'i ohup i Yesus ka' nomboboti Ia. Daagi' mule' ko anu nohapa' Ia,

YOHANES 18:22

Salatan i Yesus nontaloakonmo sumo aijo', sala'samian ponjaga i kiijo' nohapa'mo Ia ka' notatae, “Baani hondo na Oko notatae sumo atina' hi imam daka'!”

SISIKON NU TO RASUL-RASUL 23:2

Tempo'nyo i Paulus notatae sumo aijo', Imam Daka' i Ananias nompokaumo mian anu tinjo-tinjo i sasu hi Paulus nohapa' nganga' i Paulus.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.